नवी दिल्ली, दि. 11 : थोर समाजसुधारक महात्मा जोतिराव फुले यांची जयंती महाराष्ट्र सदन व महाराष्ट्र परिचय केंद्रात साजरी करण्यात आली.

कस्तुरबा गांधी मार्गस्थित महाराष्ट्र सदनाच्या प्रांगणातील महात्मा फुले यांच्या पूर्णाकृती पुतळ्याजवळ आयोजित कार्यक्रमात राज्यपाल रमेश बैस यांनी पुतळ्याला पुष्पांजली अर्पण करुन अभिवादन केले. यावेळी राष्ट्रीय मागासवर्ग आयोगाचे अध्यक्ष हंसराज अहीर, प्रभारी निवासी आयुक्त निवा जैन, सहायक निवासी आयुक्त डॉ. राजेश अडपावार  यांच्यासह  महाराष्ट्र  सदनाच्या  अधिकारी व  कर्मचाऱ्यांनीही  महात्मा फुले यांच्या पुतळ्यास पुष्प अर्पण करून आदरांजली वाहिली.

कोपर्निकस मार्गस्थित महाराष्ट्र सदनातील सभागृहात आयोजित कार्यक्रमात महात्मा फुले यांना अभिवादन करण्यात आले. यावेळी प्रभारी निवासी आयुक्त निवा जैन यांनी प्रतिमेस पुष्प अर्पण करून अभिवादन केले.

महाराष्ट्र परिचय केंद्रात महात्मा जोतिराव फुले यांना अभिवादन

महाराष्ट्र परिचय केंद्रात आयोजित कार्यक्रमात महात्मा फुले यांना अभिवादन करण्यात आले. परिचय केंद्राच्या प्रभारी उपसंचालक (माहिती) अमरज्योत कौर अरोरा यांनी प्रतिमेस पुष्प अर्पण करून अभिवादन केले. यावेळी कार्यालयात उपस्थित कर्मचाऱ्यांनी प्रतिमेस पुष्प अर्पण करून आदरांजली वाहिली.

0000

 Governor pays tribute to Mahtama Phule

Governor Ramesh Bais offered floral tribute to the statue of Mahatma Jyotiba Phule on the occasion of the Birth Anniversary of the great social reformer at the New Maharashtra Sadan in New Delhi.

0000