पालघर: महिलांना अश्लील शिवीगाळ करत मारहाण केल्याची धक्कादायक घटना पालघर जिल्ह्यातील नवनाथ- कोहराळीपाडा येथे समोर आली आहे. महिलांना मारहाण केल्याचा व्हिडिओ सध्या समाज माध्यमांमध्ये व्हायरल झाला आहे.

पालघर जिल्ह्यातील डहाणू तालुक्यातील गंजाड ग्रामपंचायत हद्दीतील नवनाथ- कोहराळीपाडा येथे महिलांना अश्लील शिवीगाळ करत बेदम मारहाण केल्याची धक्कादायक घटना समोर आली आहे. मारहाणीच्या घटनेचा व्हिडिओ मोबाईल कॅमेऱ्यात कैद झाला असून समाज माध्यमांमध्ये व्हायरल झाला असून पाण्याच्या वादावरून ही संपुर्ण घटना घडल्याचे कळते. ग्रामपंचायत उपसरपंच यांच्या नातेवाईकांकडून ही मारहाण सुरू असल्याचे या व्हिडिओमध्ये दिसून येत आहे. महिलांना मारहाण होत असताना गंजाड ग्रुप ग्रामपंचायतचे भाजपचे उपसरपंच हे देखील घटनास्थळीच असल्याचे व्हिडिओमध्ये दिसून येत आहे.

माझ्या पतीनं ‘त्या’ १५ कोटींसाठी सतीश कौशिक यांना संपवलं; महिलेच्या दावानं खळबळ
गंजाड येथील नवनाथ- कोहराळपाडा उन्हाळ्यात पाण्याची समस्या उद्भवत असते, यंदा देखील पाण्याच्या स्रोतांनी काही प्रमाणात तळ गाठला आहे. त्यामुळे या ठिकाणी असलेल्या ग्रामपंचायतीच्या पाण्याच्या स्त्रोतात मोटार टाकून काही कुटुंब पाणी घेतात. मात्र ग्रामपंचायतने मोटारीने पाणी काढण्यास मनाई केली असल्याचे कळते. मारहाण झालेल्या कुटुंबातील महिला मोटारीने पाणी घेत असल्याच्या मुद्द्यावरून वाद झाला व वादाचे रूपांतरण पुढे हाणामारीत झाले.

पुन्हा मध्य महाराष्ट्र आणि मराठवाड्यात पाऊस? पाहा काय आहे हवामान अंदाज
तीन ते चार दिवसांपूर्वी ही घटना घडली असल्याचे कळते, मात्र समाज माध्यमामध्ये हा मारहाणीचा व्हिडिओ व्हायरल झाल्यानंतर हे प्रकरण समोर आले आहे. या प्रकरणात आतापर्यंत कोणताही गुन्हा डहाणू पोलीस ठाण्यात दाखल झालेला नाही.

Mumbai Mega Block: मुंबईकरांनो, आज मध्य, हार्बर रेल्वेवर मेगाब्लॉक; रेल्वेचं वेळापत्रक बघूनच घराबाहेर पडा…