मात्र, संभाव्य पदाधिकाऱ्यांच्या चर्चेत आलेल्या नावांवरून पक्षात आता ‘निष्ठावंत विरुद्ध उपरे’ असा नवा अंतर्गत संघर्ष पेटण्याची दाट चिन्हे दिसू लागली आहेत. युवासेनेचा पदाधिकारी सुजित खुर्द यांनी पत्रकार परिषद घेऊन नाराजी व्यक्त केली. शिवसेनेत जुन्या शिवसैनिकांना संधी द्यावी, पक्षात नव्याने आलेल्यांना शिवसेना आधी कळावी, आणि त्यानंतर त्यांना मोठ्या पदावर विराजमान करावं, अशी मागणी शिवसेनेचे पदाधिकारी सुजित खुर्द आणि समी मौलवी यांनी केली आहे.

शिवसेनेत नवा फॉर्म्युला; तीन शहरप्रमुखांची नियुक्ती होणार

सत्ताधारी पक्ष असल्याने सध्या शिवसेनेत पदांसाठी इच्छुकांची मोठी गर्दी उसळली आहे. अंतर्गत वाद शमवण्यासाठी आणि संघटनात्मक बांधणी अधिक मजबूत करण्यासाठी संपूर्ण शहरासाठी एकाच शहरप्रमुखाची नियुक्ती करण्याऐवजी विधानसभा मतदारसंघनिहाय तीन स्वतंत्र शहरप्रमुख नेमण्याचा नवा फॉर्म्युला पक्षाने पुढे आणला आहे.

आयारामांना शहराध्यक्ष जबाबदारी देण्याबाबत नाराजी

उपमुख्यमंत्री एकनाथ शिंदे यांच्या शिवसेनेत मनोज शेजवाल आणि त्यानंतर सचिन चव्हाण यांनी यापूर्वी शहरप्रमुख पदाची धुरा सांभाळली होती. नव्या त्रिस्तरीय फॉर्म्युल्यानुसार आता दक्षिण सोलापूरसाठी माजी उपमहापौर राजेश काळे, सोलापूर शहर मध्यसाठी नगरसेवक प्रियदर्शन साठे आणि सोलापूर शहर उत्तर विधानसभा मतदारसंघासाठी राजू आलूरे यांची नावे आघाडीवर असल्याची जोरदार चर्चा राजकीय वर्तुळात रंगली आहे. परंतु, यातील काही नावांना पक्षातील जुन्या आणि निष्ठावंत शिवसैनिकांकडून तीव्र विरोध दर्शवला जात आहे.

Manoj Jarange Patil : जरांगे पाटलांच्या मागण्यांवर सरकारची खलबतं; मंत्री, आमदारांची वरिष्ठ अधिकाऱ्यांसोबत महत्त्वाची बैठकज्या व्यक्तींचा भूतकाळात शिवसेनेशी कोणताही थेट संबंध किंवा योगदान राहिलेले नाही, अशा नव्याने पक्षात आलेल्या ‘आयारामां’ना जर थेट शहराच्या महत्त्वाच्या पदांची जबाबदारी दिली, तर पक्षासाठी सातत्याने रस्त्यावर उतरून घाम गाळणाऱ्या निष्ठावंत कार्यकर्त्यांनी नेमकं काय करायचं? असा थेट सवाल तळागाळातील शिवसैनिकांमधून विचारला जात आहे.

अनुभवी वजनदार चेहऱ्यांना डावलल्याचा आरोप

नवख्यांना झुकते माप देऊन पुन्हा ‘पहिले पाढे पंचावन्न’ केले तर पक्षसंघटनेला मोठे नुकसान सहन करावे लागेल, असा इशारा पत्रकार परिषदेत देण्यात आला. विशेष म्हणजे सोलापूर शहरात पक्षाकडे माजी मंत्री उत्तम प्रकाश खंदारे, लक्ष्मीकांत ठोंगे-पाटील, मनीष काळजे यांसारखे प्रदीर्घ राजकीय आणि संघटनात्मक अनुभव असलेले वजनदार चेहरे उपलब्ध आहेत.

या ज्येष्ठ नेत्यांनी अनेक वर्षांपासून स्थानिक पातळीवर पक्षसंघटन टिकवून ठेवण्यासाठी सातत्यपूर्ण काम केले आहे. असे अनुभवी नेतृत्व शहरात हजर असताना त्यांना डावलून किंवा दुय्यम स्थान देऊन नवख्या चेहऱ्यांवर मेहेरबानी दाखवली जात असल्याच्या भावनेने पक्षात नाराजीचा सूर अधिक तीव्र झाला आहे.

Satara Kaas Pathar : मनाचा गालिचा गार होणार, कास पठार बहरलं, फुलोत्सवाला सुरुवात, भेटीसाठी ऑनलाइन बुकींग अशी करा

शहर उत्तरसाठी इच्छुक; खासदार डॉ श्रीकांत शिंदेंची भेट घेणार

युवा सेनेचे पदाधिकारी सुजित खुर्द यांनी पत्रकार परिषदेत माहिती देताना सांगितले, शहर उत्तर मतदारसंघासाठी पक्षातील अनेक जुन्या व निष्ठावंत कार्यकर्त्यांनी मुलाखती दिल्या होत्या. २०१४ पासून संगमेश्वर महाविद्यालयाचे शाखाप्रमुख ते थेट युवासेनेचे माढा लोकसभा संपर्कप्रमुख आणि प्रदेश कार्यकारिणी सदस्य पदापर्यंत काम केले. पक्षाशी सातत्याने एकनिष्ठ राहिले तरीही संधी मिळत नाही. माझ्या कार्यकर्त्यांना घेऊन खासदार श्रीकांत शिंदे, उपमुख्यमंत्री एकनाथ शिंदे यांची भेट घेणार असल्याची माहिती दिली.

Kolhapur News : कोल्हापुरात महायुतीमधील अंतर्गत संघर्ष चव्हाट्यावर, दोन पक्षांच्या गटनेत्यांमध्येच जोरदार राडा, नेमकं काय घडलं?सोलापूर शिवसेनेची पुढील संघटनात्मक दिशा ठरणार असून नाराजीचा हा स्फोट रोखणे खासदार धैर्यशील माने आणि खासदार ज्योती वाघमारे यांच्यासाठी मोठी राजकीय कसोटी ठरणार आहे.