नव्या वेळापत्रकात वाढीव लोकल फेऱ्यांचा समावेश करण्यात आलेला नाही. यामुळे लोकल फेऱ्यांचा एकूण संख्येत कोणतीही वाढ झालेली नाही. अप दिशेला दोन आणि डाउन दिशेला चार अशा नव्या लोकल फेऱ्या सुरू करण्यात आल्या आहेत. यामुळे रात्री उशिरा विरार, नालासोपारा, भाईंदर दिशेला प्रवास करणाऱ्या प्रवाशांना दिलासा मिळणार आहे. या लोकलसाठी सहा लोकल फेऱ्या रदद् करण्यात आल्या आहेत.

विद्यार्थ्यांसाठी दिलासादायक बातमी! डीबीटी बंद, शासकीय वसतिगृहांत मेस सुरु होणार, सरकारचा मोठा निर्णयपश्चिम रेल्वेवर वातानुकूलित लोकल फेऱ्यांना प्रवाशांचा प्रतिसाद वाढता आहे. या पार्श्वभूमीवर सायंकाळी गर्दीच्या वेळेतील ५.२८ चर्चगेट-बोरिवली एसी लोकल म्हणून धावणार आहे. सायं. ६.२४ ला बोरिवली-चर्चगेट ही लोकल एसी म्हणून धावणार आहे. यामुळे एकूण एसी लोकल फेऱ्यांची संख्या १४५ वरून १४७ वर पोहोचणार आहे. सोमवार ते शुक्रवारदरम्यान या लोकल धावणार आहेत. शनिवारी आणि रविवारी ११६ एसी लोकल फेऱ्या उपलब्ध राहणार आहेत.

डहाणूकरांचा त्रास वाचणार
दादर ते विरार आणि विरार ते डहाणू या दोन स्वतंत्र लोकलमुळे डहाणूकरांना विरार स्थानकात उतरून अन्य लोकलमध्ये चढावे लागत होते. हा त्रास कमी करण्यासाठी, दादरहून थेट डहाणू लोकल सुरू करण्याचा निर्णय रेल्वे प्रशासनाने घेतला आहे. ही गाडी दादरहून सायंकाळी ५.२२ ला सुटणार असून ७.३० ला डहाणूला पोहोचेल.

NCP Party Meeting : ‘देवगिरी’ बंगल्यावर खल, राष्ट्रवादी काँग्रेस पक्षात महत्त्वाच्या घडामोडीदादर लोकल चर्चगेटपर्यंत
सकाळी गर्दीच्या वेळेत विरारच्या प्रवाशांना थेट चर्चगेटपर्यंत प्रवास करता यावा, यासाठी दादरपर्यंत धावणाऱ्या लोकलचा विस्तार चर्चगेटपर्यंत करण्यात आला आहे. विरारहून ८.२३ ची दादर लोकल आता चर्चगेटपर्यंत धावणार असून ती चर्चगेटला ९.४८ ला पोहोचेल. चर्चगेटवरून ९.५२ची लोकल नालासोपारापर्यंत धावणार आहे.

बोरिवली थांबा रद्द
चर्चगेट ते विरार लोकलमध्ये बोरिवलीला उतरणाऱ्या प्रवाशांची अधिक असल्याने प्रवाशांमध्ये वादाच्या घटना घडतात. यावर नियंत्रण ठेवण्यासाठी दोन जलद विरार लोकलचा बोरिवली थांबा रद्द करण्यात आला आहे. चर्चगेटहून सायंकाळी ६.२२ आणि सायंकाळी ७.०५ या लोकल फेऱ्यांसाठी हा निर्णय लागू करण्यात आला आहे.

Ashish Mete : शतपावली घालताना कोसळले, आदिती तटकरेंचे PRO आशिष मेटे यांचा अकस्मात मृत्यू, डोक्याला दुखापत झाल्याची माहितीसहा नव्या धीम्या लोकल
सकाळी ७.४६ –भाईंदर – विरार
सकाळी ११.५८ –वांद्रे-चर्चगेट
रात्री १०.१४–बोरिवली-भाईंदर
रात्री १०.५१ –बोरिवली-विरार
रात्री ११.५१ –विरार-बोरिवली
मध्यरात्री १२.२८ –बोरिवली-भाईंदर
सहा धीम्या लोकल रद्द
सकाळी ९.५६ –चर्चगेट-बोरिवली
सकाळी १०.५० –बोरिवली-चर्चगेट
सकाळी ११ –चर्चगेट-मुंबई सेंट्रल
दुपारी २.३० –बोरिवली-चर्चगेट
दुपारी १.१६ –चर्चगेट-बोरिवली
रात्री ९.०१ –चर्चगेट-मुंबई सेंट्रल