पंकज मोहरीर, चंद्रपूर: बोगस पदवी आणि शैक्षणिक प्रमाणपत्रांच्या रॅकेटचा पर्दाफाश झाल्यानंतर आता त्यात नवनवीन खुलासे समोर येऊ लागले आहेत. आतापर्यंत या रॅकेटने मागील आठ वर्षांत सुमारे ४० पदव्या विकल्या असल्याची धक्कादायक माहिती समोर आली आहे. या संख्येत आणखी वाढ होण्याचे संकेत आहेत.
देशभरात पेपरफुटीच्या घटनांनी शिक्षण आणि भरती प्रक्रियेच्या विश्वासार्हतेवर प्रश्नचिन्ह निर्माण केले असतानाच चंद्रपुरात शिक्षण व्यवस्थेलाच हादरवणारे रॅकेट उघडकीस आले आहे.
Samruddhi Mahamarg : समृद्धी महामार्गाने प्रवास करणाऱ्यांसाठी महत्त्वाची बातमी! 31 ऑगस्ट ते 7 सप्टेंबर दरम्यान टप्याटप्याने वाहतूक ब्लॉकया प्रकरणातील मुख्य सूत्रधार परिमल गौरकार हा उच्चशिक्षित असून, उच्चभ्रू जीवनशैली जगत असल्याची माहिती आहे. चंद्रपुरातील तुकूम परिसरातील एसटी वर्कशॉप चौकात राहणाऱ्या परिमलने जानेवारी महिन्यात आपल्या शेजाऱ्याकडे एक कापडी पिशवी ठेवली होती. काही कारणास्तव अनेक महिने तो ही पिशवी परत घेण्यासाठी आला नाही. त्यानंतर हा प्रकार उघडकीस आला.
परिमल गौरकार हा २०१८ पासून हा गोरखधंदा करीत असून, आतापर्यंत त्याने सुमारे ४० पदव्या विकल्याची माहिती पोलिस सूत्रांनी ‘मटा’शी बोलताना दिली. या रॅकेटचा मुख्य सूत्रधार परिमल गौरकार हा उच्चशिक्षित असल्याचे बोलले जात असून, त्याच्या पदव्या बनावट आहेत का, हे अद्याप स्पष्ट झालेले नसल्याची माहितीही सूत्रांनी दिली.
मागील आठ वर्षांपासून हा प्रकार सुरू असल्याने पदव्या, गुणपत्रिका, डिप्लोमा आणि मायग्रेशन प्रमाणपत्रे मोठ्या प्रमाणावर वितरित करण्यात आली असावीत, असा दाट संशय व्यक्त केला जात आहे.
या रॅकेटची व्याप्ती मोठी असल्याचा संशय असून, आणखी काही जण पोलिसांच्या रडारवर असल्याची माहिती आहे. परिणामी, तपासाला वेग आला आहे. बोगस प्रमाणपत्रे तयार करण्यासाठी कोणाची मदत घेतली जात होती, ग्राहक कोण होते, आणखी किती जणांना अशा पदव्या व गुणपत्रिका देण्यात आल्या आणि या व्यवहारातून किती रुपयांची उलाढाल झाली, याचा तपास पोलिसांकडून केला जात आहे.
या प्रकरणातील आणखी काही संशयित पोलिसांच्या ताब्यात येण्याची शक्यता असून, तपास जसजसा पुढे जाईल, तसतसे या रॅकेटचे धागेदोरे इतर शहरांपर्यंत पोहोचण्याची शक्यता व्यक्त केली जात आहे. त्यामुळे या प्रकरणाकडे आता शैक्षणिक आणि भरती क्षेत्राचेही लक्ष लागले आहे.
Chhatrapati Sambhajinagar : शातीर चोरट्याने खड्डा खोदून गाड्या लपवल्या; हर्सूल पोलिसांकडून ‘पंडा’ गजाआडआरोपीला १ सप्टेंबरपर्यंत पोलिस कोठडी
रॅकेटमधील मुख्य सूत्रधार परिमल गौरकार याला शुक्रवारी नागपुरातून अटक करण्यात आली. त्याला मदत करणारा अक्षय खोब्रागडे हाही गजाआड करण्यात आला. त्यामुळे या प्रकरणात अटक करण्यात आलेल्या आरोपींची संख्या तीनवर पोहोचली आहे. चंद्रपूर पोलिसांनी पर्दाफाश केलेल्या बोगस पदवी-पदविका-गुणपत्रिका रॅकेटमधील मुख्य सूत्रधार परिमल गौरकारसह त्याला मदत करणाऱ्या आरोपीला शनिवारी तीन दिवसांची पोलिस कोठडी सुनावण्यात आली. दरम्यान, आधीच अटकेतील वैभव सोनुले या आरोपीची रवानगी न्यायालयीन कोठडीत करण्यात आली आहे.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा