मुंबई : दूध व दुग्धजन्य पदार्थ, खाद्यतेल, मसाले, बेकरी पदार्थ, बाटलीबंद पाणी तसेच प्रतिबंधित पान मसाला आणि गुटख्याविरोधात अन्न व औषध प्रशासनाने ( एफडीए ) ७ ते ९ ऑगस्टदरम्यान राज्यभर विशेष मोहीम राबवली. या मोहिमेत मालाड पश्चिम येथील ‘ब्लिंक कॉमर्स प्रायव्हेट लिमिटेड’च्या आस्थापनेत गंभीर त्रुटी आढळल्याने कंपनीचा अन्न परवाना तत्काळ निलंबित करण्यात आला आहे. परवाना निलंबित असताना या आस्थापनेतून कोणत्याही प्रकारचा अन्न व्यवसाय सुरू ठेवण्यास मनाई केली आहे.
९ ऑगस्टला अन्न सुरक्षा अधिकाऱ्यांनी केलेल्या तपासणीत आस्थापनेत अस्वच्छता आढळली. झुरळांचा प्रादुर्भाव, अन्नपदार्थांची अयोग्य साठवणूक, गंजलेल्या रॅकवर, जमिनीवर अन्नसाठा ठेवणे, शीतसाखळी व्यवस्थापनातील त्रुटी अशा गंभीर बाबी निदर्शनास आल्या. मुदतबाह्य, छेडछाड झालेल्या पॅकेज्ड अन्नपदार्थांचा साठा आढळून आला.
MSRTC Employees Salary : एसटी कर्मचाऱ्यांना दिलासा, रखडलेला पगार 11 ऑगस्टला होणार, परिवहन मंत्र्यांची माहितीअन्नपदार्थ साठवणूक व हाताळणीच्या ठिकाणी कीटक आणि उंदीर नियंत्रणासाठी प्रभावी उपाययोजना नसल्याचेही तपासणीत स्पष्ट झाले. कचरा व्यवस्थापनातील त्रुटी, स्वच्छता व देखभालीचा अभाव तसेच अन्न हाताळणाऱ्या कर्मचाऱ्यांच्या वैद्यकीय तपासणी आणि आरोग्यविषयक नोंदी उपलब्ध नसल्याचे आढळले.
आस्थापनेतील भाजीपाला आणि फळांच्या साठ्यावर झुरळांचा प्रादुर्भाव असल्यानेअन्नपदार्थ दूषित होण्याचा धोका निर्माण झाल्याचे निरीक्षण नोंदवण्यात आले. कोल्डरूममध्ये मुदतबाह्य आणि खराब झालेल्या अन्नपदार्थांचा साठाही आढळला.
या पार्श्वभूमीवर अन्न सुरक्षा व मानके अधिनियम, २००६ मधील कलम ३२(३) तसेच अन्न सुरक्षा व मानके अधिनियमांतर्गत अन्न व्यवसायांचे परवाने व नोंदणी विनियम, २०११ नुसार अन्न परवाना निलंबित करण्यात आला.
राज्यव्यापी मोहिमेत दूध व दुग्धजन्य पदार्थांचा सुमारे साडेतेरा लाख रुपयांचा साठा, तर इतर अन्नपदार्थांचा १८,४५५.५४ किलो साठा जप्त करण्यात आला. प्रतिबंधित पान मसाला आणि गुटखा प्रकरणांत आठ जणांवर गुन्हे दाखल करण्यात आले असून, अकरा जणांना अटक करण्यात आली आहे.
FDA Raid: काजू कतलीमध्ये जिवंत अळ्या असल्याची तक्रार, FDA ने तत्काळ धाड टाकली; काय-काय आढळून आलं?बुलढाण्यातील रिलायन्स रिटेलच्या दुकानात ‘लक्ष्मी नारायण’ ब्रँडच्या काजू कतलीमध्ये बुरशी आणि जिवंत अळ्या आढळल्याची तक्रार आल्यानंतर तेथेही कारवाई करण्यात आली. बीड जिल्ह्यातील पाच तेल उत्पादन आणि रीपॅकिंग आस्थापनांवर कारवाई करत ‘एफडीए’ने १ कोटी ९४ लाख ५० हजार ९२२ रुपयांचा माल जप्त केला. या सर्व आस्थापनांचे ‘एफएसएसएआय’ परवाने तत्काळ निलंबित करून संबंधित व्यवसाय बंद केले. एकूण २७ नमुने प्रयोगशाळेत तपासणीसाठी पाठवले आहेत.
९० हॉटेल-रेस्टॉरंटची तपासणी
७ ते ९ ऑगस्टदरम्यान राज्यातील ९० हॉटेल, रेस्टॉरंट आणि ढाब्यांची तपासणी करण्यात आली. यापैकी आठ आस्थापनांना सुधारणा नोटिसा देण्यात आल्या, तर एका आस्थापनेचा परवाना निलंबित करण्यात आला. अन्नाच्या गुणवत्तेबाबत तक्रार करण्यासाठी टोल-फ्री क्रमांक १८००२२२३६५ उपलब्ध असल्याची माहिती ‘एफडीए’ने दिली.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा