राष्ट्रवादी शरद पवार गटाचे नेते एकनाथ खडसे यांनी मातोश्रीवर जाऊन उद्धव ठाकरे यांची सदिच्छा भेट घेतली. यावेळी खासदार संजय राऊत उपस्थित होते. याआधी खडसेंनी भाजप नेते विनोद तावडे यांचीही भेट घेतलेली. त्यामुळे खडसेंच्या मनात नेमकं काय चाललंय असा प्रश्न उपस्थित केला जातोय. ठाकरे आणि खडसेंच्या भेटीवरून चर्चांना उधाण आले असतानाच मंत्री गुलाबराव पाटील यांनी यावर मिश्कील शैलीत खडसेंना टोला लगावला आहे.