Tukaram Mundhe Transfer: अन्न व औषध प्रशासन विभागाच्या आयुक्तपदी आयएएस अधिकारी तुकाराम मुंढे यांची नियुक्ती करण्यात आली आहे. अवघ्या दीड महिन्यात पुन्हा बदली होत 21 वर्षांत 25 बदल्यांची नोंद झाल्याने प्रशासकीय वर्तुळात या निर्णयाची जोरदार चर्चा सुरू आहे.
दरम्यान, या प्रशासकीय बदलांच्या साखळीत आणखी महत्त्वाच्या नियुक्त्याही जाहीर करण्यात आल्या आहेत. कान्हुराज बगाटे यांची महामुंबई मेट्रो संचलन महामंडळाच्या व्यवस्थापकीय संचालकपदी नियुक्ती करण्यात आली आहे. तर श्रीधर डुबे यांची मुंबई महानगर झोपडपट्टी पुनर्वसन प्राधिकरणाच्या मुख्य कार्यकारी अधिकारीपदी नियुक्ती करण्यात आली आहे.
याशिवाय राज्य कामगार विमा योजना आयुक्त आर. एस. चव्हाण यांच्याकडे हाफकीन जीव औषध निर्माण महामंडळाच्या व्यवस्थापकीय संचालक पदाचा अतिरिक्त कार्यभार सोपवण्यात आला आहे. तसेच बाबासाहेब बेलदार यांची धुळे जिल्हा परिषदेच्या मुख्य कार्यकारी अधिकारीपदी नियुक्ती करण्यात आली आहे.
NEET Paper Leak: परीक्षेआधीच पेपर मिळाल्याचा संशय! लातूरमध्ये डॉक्टरच्या घरी CBIची धाड, 3 तासांपासून चौकशी
अन्न व औषध प्रशासनासारख्या संवेदनशील विभागाची जबाबदारी तुकाराम मुंढे यांच्याकडे सोपवण्यात आली आहे. शिस्तप्रिय आणि कठोर प्रशासकीय कारभारासाठी ओळखल्या जाणाऱ्या मुंढे यांच्या नियुक्तीमुळे प्रशासकीय वर्तुळात चर्चेला उधाण आले आहे.
अवघ्या दीड महिन्यात पुन्हा बदल
विशेष म्हणजे, अवघ्या दीड महिन्यांपूर्वीच तुकाराम मुंढे यांची मंत्रालयातील आपत्ती व्यवस्थापन, मदत व पुनर्वसन तसेच महसूल व वन विभागाच्या प्रधान सचिवपदी बदली करण्यात आली होती. मात्र आता पुन्हा एकदा त्यांच्या कार्यक्षेत्रात बदल करत त्यांची अन्न व औषध प्रशासन आयुक्तपदी नियुक्ती करण्यात आली आहे.
21 वर्षांत 25 बदल्या
तुकाराम मुंढे यांच्या 21 वर्षांच्या प्रशासकीय सेवेत आतापर्यंत तब्बल 25 वेळा बदली झाल्याची नोंद आहे. नियमांवर कठोर भूमिका, थेट निर्णयक्षमता आणि कामातील शिस्त यामुळे मुंढे नेहमीच चर्चेत राहिले आहेत.
तात्काळ कार्यभार स्वीकारण्याचे आदेश
सामान्य प्रशासन विभागाने जारी केलेल्या आदेशानुसार, तुकाराम मुंढे यांनी नवीन पदाचा कार्यभार तत्काळ स्वीकारावा, असे स्पष्ट करण्यात आले आहे. त्यांच्या नियुक्तीनंतर राज्यातील प्रशासकीय पातळीवर आणखी काही महत्त्वाच्या बदलांची शक्यता वर्तवली जात आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा