Ahilyanagar Beed Train Cancelled: रेल्वेने प्रवास करणाऱ्यांसाठी महत्त्वाची अपडेट आली आहे. पुणे रेल्वे विभागाने अहिल्यानगर-बीड दरम्यान धावणाऱ्या गाड्या ४ ते १९ मे या कालावधीत रद्द केल्या आहेत.
नेमकं काय आहे कारण?
रेल्वे प्रशासनाने दिलेल्या माहितीनुसार, अकोळनेर ते निंबळक या सेक्शनमध्ये सध्या दुहेरी मार्गाचे काम युद्धपातळीवर सुरू आहे. या कामासाठी विशेष ‘ब्लॉक’ घेण्यात आला असून, या कालावधीत अहिल्यानगर स्थानकावर केवळ अप आणि डाउन या मुख्य मार्गांवरूनच वाहतूक सुरू ठेवता येणार आहे. स्थानकावरील परिचालन क्षमतेवर मर्यादा येत असल्याने काही गाड्या तात्पुरत्या स्वरूपात बंद ठेवण्याचा निर्णय रेल्वेने घेतला आहे.
‘या’ गाड्या राहणार रद्द
प्रवाशांची मोठी वर्दळ असलेल्या दोन महत्त्वाच्या गाड्यांवर याचा थेट परिणाम झाला आहे
Pune News: पालखी स्वागतासाठी पुणे सज्ज’; महापौरांकडून प्रशासनाला कडक सूचना, बोपोडीत बसणार ‘हाइट बॅरिअर’
गाडी क्रमांक ७१४४१ (अहिल्यानगर–बीड)
गाडी क्रमांक ७१४४२ (बीड–अहिल्यानगर)
या दोन्ही गाड्या ४ मे पासून ते १९ मे पर्यंत पूर्णपणे रद्द राहतील. पंधरा दिवसांच्या या खंडामुळे नोकरदार, विद्यार्थी आणि नियमित प्रवाशांना आता एसटी बस किंवा खासगी वाहनांचा आधार घ्यावा लागणार आहे.
दीर्घकालीन फायद्यासाठी तात्पुरती गैरसोय
रेल्वे प्रशासनाचे म्हणणे आहे की, सध्या सुरू असलेले हे पायाभूत सुविधांचे काम भविष्यातील वाढत्या प्रवासी आणि मालवाहतुकीसाठी अत्यंत गरजेचे आहे. दुहेरीकरणाचे काम पूर्ण झाल्यावर या मार्गावरील रेल्वेचा वेग वाढेल आणि प्रवास अधिक सुरक्षित होईल.
“भविष्यातील सुरक्षित आणि वेगवान प्रवासासाठी हे काम अनिवार्य आहे. प्रवाशांना होणाऱ्या गैरसोयीबद्दल आम्ही दिलगिरी व्यक्त करतो. प्रवाशांनी आपल्या प्रवासाचे नियोजन करताना या बदलांची नोंद घ्यावी,” असे आवाहन मध्य रेल्वेच्या पुणे विभागीय जनसंपर्क विभागाने केले आहे.
प्रवाशांनी रेल्वेच्या अधिकृत संकेतस्थळावर किंवा चौकशी खिडकीवर खात्री करूनच घराबाहेर पडावे, जेणेकरून स्थानकावर जाण्याचे हेलपाटे वाचतील आणि धावपळ होणार नाही.
लेखकाबद्दलसुनिल लाटेसुनिल प्रभाकर लाटे महाराष्ट्र टाइम्स ऑनलाइनमध्ये कन्सल्टंट पदावर कार्यरत आहेत. गेली तीन वर्षे पत्रकार म्हणून त्यांनी प्रत्यक्षपणे काम केलं आहे, ज्यामध्ये त्यांनी लोकसत्ता ऑनलाईनमध्ये (मुंबई) इंटर्न म्हणून पत्रकारिता सुरू केली.
मेन डेस्क
इंटर्न म्हणून रुजू झाल्यानंतर संबंधित संपादकांनी दिलेली प्रत्येक जबाबदारी काळजीपूर्वक पार पाडली. सहा महिने मेन डेस्कसाठी सर्व बीटच्या बातम्यांचे काम केले.
फोटोगॅलरी, वेबस्टोरी
तिथंच त्यांना फोटोगॅलरी आणि वेबस्टोरी या विभागात काम करण्याची संधी मिळाली. त्या संधीचे सोने करत त्यांनी अतिशय दर्जेदार काम केले. लोकसत्तामध्ये काम करताना, राजकारण, मनोरंजन, क्रीडा या विषयावर सातत्याने बातम्यांचे लिखाण केल्याने त्यातील आवड खूप वाढली.
शिक्षण
सुनिल यांनी पत्रकारितेचे शिक्षण घेतले आहे. त्यांनी बीए आणि एमएपर्यंतच शिक्षण डॉ. बाबासाहेब आंबेडकर मराठवाडा विद्यापीठाच्या पत्रकारिता विभागातून पूर्ण केले आहे. दरम्यानच्या काळात त्यांनी स्थानिक वृत्तपत्रांसाठी शैक्षणिक बीट सांभाळत बातम्या लिहल्या.
जाहिरात क्षेत्रात काम
याशिवाय सुनिल यांना फोटोग्राफी, व्हिडिओ संपादन, ग्राफिक्स डिझाइनचीही आवड आहे. या आवडीला जोपासण्यासाठी त्यांनी पत्रकारिता विभागाशी संबंधित असलेल्या जाहिरात या क्षेत्रात काम केले आहे. ही काम त्यांनी स्वतःच्या आनंदासाठी केले. ज्यातून त्यांचा मोठा जनसंपर्क वाढला. काही पैसेही मिळवता आले.
दिग्दर्शन, संगीत
कॉलेज जीवनात त्यांनी तीन लघुपट बनवले, ज्याचे कॅमेरा, पटकथा आणि दिग्दर्शनही त्यांनी स्वतःच केले आहे. त्यांना संगीत क्षेत्रातही खास रस आहे. काव्यलेखन, गीत लेखन, सादरीकरण केलेले त्यांचे व्हिडिओ युट्यूबवर व्हायरल झालेले आहेत.
पत्रकारिता क्षेत्रातील उत्कंठा, उत्साह द्विगुणित
दरम्यान, महाराष्ट्र टाइम्स ऑनलाइनमध्ये संधी मिळाल्यानंतर हायपर लोकल बातम्यांचे काम करण्याचा अनुभव मिळाला. ज्यामध्ये क्राइमसह विविध महत्वाच्या आणि मोठ्या बातम्या लिहायचेही तंत्र त्यांनी विकसित केले. मटा ऑनलाईनमध्ये काम करताना सुनिल यांची पत्रकारिता क्षेत्रातील उत्कंठा, उत्साह द्विगुणित झाला आहे, कारण इथेही सहकाऱ्यांचे सहकार्य आणि संपादकांचे, वरिष्ठांचे, शिफ्ट इन्चार्ज यांचे अनमोल मार्गदर्शन वेळोवेळी मिळत राहते. महाराष्ट्र टाइम्स ऑनलाइनने पत्रकार म्हणून घडण्याची आणखी एक खूप मोठी सुवर्णसंधी दिल्याचे सुनिल मानतात.… आणखी वाचा