तीन दिवसांपूर्वी गुरुवारी किरण खडसे या घरी सकाळी झाडू लावत असताना पलंगाच्या खाली काळी शेपूटसदृश वस्तू हलताना दिसली. तिथे अंधार असल्याने त्यांनी दूर जात टॉर्च लावून तपासले असता अजगर गुंडाळी मारलेल्या अवस्थेत आढळला. कुलरच्या समोर असलेल्या पलंगाखाली कुणालाही दिसणार नाही अशा अवस्थेत अजगराने आपला डेरा मांडला होता.

Nagpur News: लग्नाची लगबग सुरु असतानाच तरुण अभियंत्याचा मृत्यू; रात्री झोपला तो सकाळी उठलाच नाही, कुटुंबावर दु:खाचा डोंगर
अजगराला पाहून घरच्या सगळ्यांची घाबरगुंडी उडाली. त्यांनी तातडीने स्थानिक सर्पमित्र विश्वजित उके यांच्याशी संपर्क साधला. तेव्हा सर्पमित्राने तातडीने धाव घेत शर्थीचे प्रयत्न करून अजगराला सुरक्षितरीत्या डब्यात बंद केले.

Sanjay Gaikwad Controversy : ‘तुझाही गोविंद पानसरे करतो!’, संजय गायकवाडांच्या कथित धमकीने खळबळ; वडेट्टीवारांनी मुख्यमंत्री फडणवीसांना धाडलं पत्र
ही काळजी घ्या
उन्हाळ्यात सरपटणारे प्राणी थंड जागेच्या शोधात असतात. विशेषतः अंगणातील टाके, बाहेरील बाथरूम, कुलर, पाण्याचे माठ किंवा अडगळीच्या जागी त्यांचा वावर वाढतो. अशावेळी घाबरून न जाता किंवा सापाला इजा न करता सर्पमित्रांना बोलवून घ्यावे. घराच्या आजूबाजूला पालापाचोळा जमू देऊ नये, स्वच्छता राखावी, घराच्या दरवाजाला खाली असलेली फट बंद करून घ्यावी, घराच्या परिसरात उंदीर, बेडूक येणार नाहीत, याची काळजी घ्यावी, चप्पल व बूट ठेवण्याचे रॅक व पक्ष्यांचे खोपे जमिनीपासून पाच फूट उंचावर असावेत, असा सल्ला सर्पमित्र विश्वजित उके यांनी दिला.