मोहम्मद अली मोहम्मद वसीम जमदार (वय ४), मशिरा मोहम्मद वसीम जमदार (वय ७) व फातिमा मोहम्मद वसीम जमदार (वय ८) या तीन बहीण-भावांचा उपचारादरम्यान मृत्यू झाला. आई अफरीन मोहम्मद वसीम जमदार (वय ३४) व अश्मिरा वसीम जमदार (वय ३) या दोघींवर वेगवेगळ्या रुग्णालयात उपचार सुरू आहेत. मोहम्मद वसीम जमदार यांची पत्नी, तीन मुली व एक मुलगा अशा पाच जणांना रविवारपासून पोटदुखी, मळमळ व उलट्यांचा त्रास सुरू होता.

Buldhana News: रात्री झोपेत साक्षीला सर्पदंश, सकाळी आई-वडिलांची रुग्णालयाकडे धाव; पण वाटेतच लेकीचा करूण अंत
सोमवारच्या सकाळी त्रास वाढत गेल्याने सर्वांना रुग्णालयात नेण्यात आले. उपचारादरम्यान अली व मशिरा यांचा मृत्यू झाला. आई व दोन मुलींना बुलढाणा येथे हलविण्यात आले. आई अफरीन यांच्यावर खासगी रुग्णालयात तर मुलगी फातिमा व अश्मिरावर बालरोगतज्ज्ञांकडे उपचार सुरू होते. सायंकाळी पावणेआठच्या सुमारास उपचार सुरू असताना फातिमा हिची प्राणज्योत मालवली. अश्मिराची प्रकृती बरी असल्याचे डॉक्टरांनी सांगितले.
Sonu Kalyankar : एकनाथ शिंदेंच्या कार्यकर्त्याला भल्या पहाटे संपवलं, आरोपीचा पोलिसांवर गोळीबार, अखेर सिनेस्टाईल नांग्या ठेचल्या
सकाळी मृत्युमुखी पडलेल्या अली व मशिरा या दोघांचे दुपारी शवविच्छेदन करण्यात आले. दुपारीच त्यांचे पार्थिव घरी नेण्यात आले. सायंकाळच्या सुमारास त्यांच्या पार्थिवावर अंत्यसंस्कार करण्यात आले.

तर दुसऱ्या एका घटनेत, फुटाळा तलावात ३५वर्षीय युवकाचा मृतदेह आढळून आला. ही घटना शनिवारी दुपारी उघडकीस आली. मृताची ओळख पटलेली नाही. याप्रकरणी अंबाझरी पोलिसांनी आकस्मिक मृत्यूची नोंद करून तपास सुरू केला आहे.