MHADA Mumbai: म्हाडाच्या मुंबई मंडळातर्फे २,६४० घरांसाठी अर्ज प्रक्रिया सुरू झाली आहे. ताडदेव येथील दोन घरांची किंमत सहा कोटींहून अधिक आहे. विक्रोळी, गोरेगाव, बोरिवली, घाटकोपर, माझगाव, वडाळा, अंधेरी आणि जुहू येथील घरांच्या किमतीही खासगी प्रकल्पांप्रमाणेच आहेत.
म्हाडाच्या वांद्रे पूर्व येथील मुख्यालयात सोडतीसाठी ऑनलाइन अर्ज नोंदणी व अर्ज स्वीकृती प्रक्रियेला म्हाडाचे उपाध्यक्ष-मुख्य कार्यकारी अधिकारी संजीव जयस्वाल यांच्या हस्ते प्रारंभ करण्यात आला. पहिल्याच दिवशी २,६४० अर्ज दाखल झाले असून, त्यांतील १६५ अर्जदारांनी अनामत रक्कम जमा केली आहे.
Gateway to Mandwa Ferry: गेटवे-मांडवा बोटसेवेत प्रवाशांची लूट, वातानुकूलित आणि खुल्या डेकसाठी समान दर; ‘पीएनपी’कडून गैरप्रकार
खासगी गृहप्रक्लपांना इतकेच दर
मुंबईतील कन्नमवारनगर-विक्रोळी, पत्राचाळ सिद्धार्थनगर-गोरेगाव, जुने मागाठाणे-बोरिवली, गोराई-बोरिवली, सुभाषनगर-चेंबूर, गांधीनगर-वांद्रे, पंतनगर-घाटकोपर, गिरगाव, वडाळा, कोपरी-पवई, माझगाव, तुंगा पवई, लोकमान्यनगर-दादर, पहाडी गोरेगाव, अँटॉप हिल-वडाळा आदी गृहनिर्माण प्रकल्पांमध्ये विविध उत्पन्न गटांसाठी ही घरे उपलब्ध आहेत. म्हाडाच्या विक्रोळीतील कन्नमवारनगरमधील हरियाली गावातील इमारत क्र. १मधील अल्प उत्पन्न गटाच्या घरांची किंमत ७५ लाख ३६ हजार रुपये इतकी आहे. याच कन्नमवारनगर भागातील इमारत क्र. २ मध्ये मध्यम उत्पन्न गटांसाठीच्या घरांच्या किंमती एक कोटी ४५ लाख ते एक कोटी ४७ लाख रुपयांपर्यंत आहेत. इथल्याच इमारत क्र. ३मध्ये मध्यम उत्पन्न गटासाठी घरांच्या किमती एक कोटी ४५ लाख ते एक कोटी ४८ लाख रुपये एवढ्या आहेत. गोरेगाव पश्चिममधील शास्त्रीनगरमधील तृप्ती कुटीरमधील इमारत क्र. ३६मधील अल्प उत्पन्न गटासाठीच्या घरांच्या किंमती ७६ लाख ते एक कोटी ११ लाख रुपये एवढ्या आहेत. त्यापाठोपाठ गोरेगाव पश्चिमेतील तृप्ती भवन इमारत क्र. ३७ मध्ये अल्प उत्पन्न गटासाठी ८६ लाख ते ९५ लाख रुपयांपर्यंत घरांच्या किंमती निर्धारित केल्या आहेत.
किती आहेत दर?
बोरिवली पूर्वेतील राजेंद्रनगर येथील श्रद्धा सीएचएसएल येथील चाळ क्र. १ ते ४ मध्ये अल्प उत्पन्न गटातील घरांसाठी ९३ लाख रुपये इतकी रक्कम मोजावी लागणार आहे. घाटकोपर पूर्वेतील पंतनगरमधील अॅम्नेटी प्लॉटमध्ये अल्प उत्पन्न गटातील घरांच्या किंमती ८५ लाख ते एक कोटी सहा लाख रुपयांपर्यंत आहेत. याच वसाहतीत मध्यम उत्पन्न गटासाठी एक कोटी १८ लाख ते एक कोटी ६५ लाख रुपयांची घरे आहेत. माझगावमधील ‘ए.एम्. रेसिडन्सी’ ‘एम.एस. अल्फा माना रिअॅल्टर्स’ एक कोटी ते एक कोटी ३६ लाख रुपये एवढ्या रकमेची घरे आहेत. वडाळ्यातील संघवी हाईट्समध्ये अल्प उत्पन्न गटासाठी एक कोटी ५१ लाख ते एक कोटी ५३ लाख रुपयांपर्यंत घरे उपलब्ध आहेत.
Mumbai Local: रात्री परतीच्या प्रवासात मुंबईकरांची रखडपट्टी, CSMT-कुर्ला, ठाणे अनेक फेऱ्या रद्द; शेवटच्या लोकलमध्येही बदल
अंधेरीतील मानस सीएचएसएल इमारत क्र. ३१ डी.एन. नगरमधील अल्प उत्पन्न गटासाठीच्या घरासाठी एक कोटी ३० लाख रुपये आहे. जुहूतील जेव्हीपीडीमधील आयडियल अपार्टमेंट मध्यम उत्पन्न गटातील घराची किंमत दोन कोटी १७ लाख रुपये एवढी आहे. अंधेरी पूर्वेतील स्वामी नित्यानंदनगरमधील नित्यानंदनगर चार येथे मध्यम उत्पन्न गटासाठी एक कोटी ५८ लाख रुपये किंमत ठेवण्यात आली आहे.
लेखकाबद्दलसानिया कदमसानिया कदम या सध्या ‘मटा ऑनलाईन’मध्ये गेल्या सहा महिन्यांपासून कन्सल्टंट पदावर कार्यरत आहेत. २०२५ मध्ये बॅचलर्सचे शिक्षण पूर्ण करून त्यांनी नुकताच पत्रकारितेच्या क्षेत्रात प्रवेश केला आहे. लोकल बातम्या, लाइव्ह ब्लॉग कव्हरेज, गुन्हेगारी, आंतरराष्ट्रीय घडामोडी तसेच इन्फ्रास्ट्रक्चर व नागरी विकासाशी संबंधित बातम्यांमध्ये त्यांना विशेष रस आहे.
पत्रकारितेतील व्यावसायिक कामाची ही त्यांची पहिलीच वेळ असली, तरी त्यांच्या पत्रकारितेच्या प्रवासाची सुरुवात महाराष्ट्र टाइम्स प्रिंटमधून झाली. २०२४ मध्ये मुलुंड वाणिज्य महाविद्यालयातून बीएमएमचे शिक्षण घेत असताना प्राध्यापकांकडून त्यांची कॉलेज क्लब रिपोर्टर म्हणून नियुक्ती झाली आणि तेव्हाच ‘मटा’शी त्यांचा पहिला संबंध जोडला गेला.
यानंतर त्यांनी अनेक महिन्यांपर्यंत महाराष्ट्र टाइम्सच्या ‘मुंबई टाइम्स’ पुरवणीसाठी लेखन केले. कॉलेज विद्यार्थ्यांच्या दैनंदिन समस्या, सोशल मीडियावरील ट्रेंड्स तसेच एआयच्या वाढत्या प्रभावावर त्यांनी अनेक लेख लिहिले. सोशल मीडियावर गाजलेल्या ‘घिबली आर्ट’ ट्रेंडवर तसेच परीक्षेच्या काळात विद्यार्थ्यांच्या आयुष्यात वाढत्या एआयच्या वापराबाबत लिहिलेल्या लेखांचे विशेष कौतुक झाले. या काळात महाराष्ट्र टाइम्स प्रिंटच्या विविध कार्यक्रमांमध्ये सहभागी होत त्यांनी वृत्तांकनासाठीही हातभार लावला. २०२५ मधील ‘माय मराठी कला संगम’ तसेच महाराष्ट्र टाइम्सच्या ‘शोध युवा प्रतिमेचा’ या विशेष कार्यक्रमांचे त्यांनी वृत्तांकन केले. विद्यार्थ्यांशी आणि नव्या पिढीशी जोडून घेणाऱ्या, त्यांच्या दृष्टिकोनातून बातम्या मांडण्याचा त्यांचा नेहमीच प्रयत्न राहिला.
२०२५ मध्ये बीएमएमचे शिक्षण पूर्ण केल्यानंतर त्यांनी के.सी. महाविद्यालयातून एमए इन जर्नलिझमला प्रवेश घेतला आणि त्याचवेळी ‘मटा ऑनलाईन’मध्ये काम सुरू केले. येथे त्यांनी लोकल बातम्या, लाइव्ह ब्लॉग अपडेट्स, इन्फ्रास्ट्रक्चर व विकासकामे, तसेच सरकारी धोरणे यांवर विशेष प्राविण्य मिळवले.
लहानपणापासूनच मराठी आणि इंग्रजी भाषेत वाचन-लेखनाची आवड असल्याने इंग्रजी भाषेवर त्यांचे विशेष प्रभुत्व आहे. त्यामुळे इंग्रजीतील गुंतागुंतीच्या बातम्या मराठी वाचकांसाठी सोप्या, समजण्यासारख्या भाषेत मांडण्याचा त्यांचा सातत्यपूर्ण प्रयत्न असतो. डिग्रीपर्यंतचं शिक्षण इंग्रजी माध्यमातून केलं असून संपूर्ण महाविद्यालयात प्रथम क्रमांक पटकावला. शेवटच्या वर्षी, न्यूजरूम नावाच्या प्रोजेक्टसाठी एका वृत्तपत्राच्या संपादकांची मुलाखत घेणं आवश्यक होतं. त्यावेळी, मुंबई चौफेरचे संपादक श्री. प्रफुल्ल फडके यांची मुलाखत घेतली. या मुलाखती दरम्यान त्यांनी आपल्या 30 वर्षांच्या मराठी भाषेतील पत्रकारीतेच्या अनुभवाबद्दल सांगितलं. त्यावेळी मराठी माध्यमातून पत्रकारिता करण्याची आवड निर्माण झाली. नंतर महाराष्ट्र टाईम्स प्रिंटमधल्या अनुभवामुळे ही आवड आणखी वाढली.… आणखी वाचा