काय घडलं नेमकं?

प्राप्त माहितीनुसार, ५५ वर्षीय इसमाला २४, २६ व २८ वर्षीय तीन मुले आहेत. मिळेल ते काम करून हा इसम पत्नीच्या मदतीने कुटुंबाचा गाडा हाकायला लागला. एकदा श्रम करताना दगड उसळला. तो डोक्याला लागल्याने त्याच्या दोन्ही डोळ्यांची दृष्टी गेली. त्यामुळे काम जमत नव्हेत. तो घरीच राहायला लागला.
Crime News : रुग्णालयात लिफ्टच्या दरवाजात अडकला, पत्नी-मुलासमोरच तडफडून प्राण सोडले, वाढदिवसानंतर पहाटेच करुण अंत

मुलाच्या मित्राशी अनैतिक संबंध

दरम्यान, दाम्पत्याच्या २४ वर्षीय मुलाचा मित्र घरी यायला लागला. आईचे मुलाच्या मित्रासोबत अनैतिक संबंध प्रस्थापित झाले. या संबंधाची गावात चर्चा सुरू झाली. एके दिवशी संधी साधून ही ४८ वर्षीय महिला मुलाच्या मित्रासोबत पळून गेली. काही दिवस त्याच्यासोबत राहून गावी परतली. पतीने मोठ्या मनाने तिचा स्वीकार केला. काही दिवस दोघेही शांत राहिले. मात्र, त्यानंतर तो मुलगा व या महिलेचे प्रेम पुन्हा फुलले. ते सतत भेटायला लागले. त्यांची समजूत घालूनही काही फायदा झाला नाही.

दृष्टीहीन पतीचा टोकाचा निर्णय

आठ दिवसांपूर्वी मुलाच्या आईने मित्रासोबत पुन्हा पलायन केले. याबाबत पुन्हा गावात चर्चा सुरू झाली. दृष्टिहीन पतीने पत्नी घरी परत यावी, यासाठी खूप प्रयत्न केले. परंतु, त्याला यश आले नाही. पत्नी घरी परत न आल्याने हताश होऊन पतीने विष प्राशन केले. त्याची प्रकृती बिघडल्याने तातडीने उपचारासाठी मेडिकलमध्ये दाखल करण्यात आले. महिलेचा पती मृत्यूशी झुंज देत आहे.
Crime News : बँकॉकहून परत आला, तरुणाची बॉडी टॉयलेटजवळ सापडली, अंगावर एकही कपडा नाही, हातातील कंडोमच्या पाकिटामुळे संशय
दरम्यान, या प्रकरणात अद्याप कोणीही तक्रार केली नसल्याची माहिती भिवापूर पोलिसांनी दिली. प्रकरणाचा तपास सुरू आहे. रविवारी रात्री उशिरापर्यंत याबाबतचा अधिक तपशील मिळू शकला नव्हता.