काय घडलं नेमकं?

पीडितेने या प्रकरणी बारामती शहर पोलिस ठाण्यात तक्रार दिली होती. त्यानुसार, आरोपीविरोधात भारतीय दंड संहितेनुसार अत्याचाराचा गुन्हा दाखल करण्यात आला. नात्याला काळिमा फासणारी ही घटना १४ जून २०२४ रोजी दुपारी साडेतीनच्या सुमारास बारामती येथील प्रगतीनगर परिसरात पीडितेच्या घरात घडली.
Crime News : स्वयंपाकावरुन सासूशी वाद, 35 वर्षीय इंजिनिअर तरुणीने आयुष्य संपवलं, चार वर्षांचं लेकरु मातृत्वाला मुकलं
पीडितेचे पती सुरक्षारक्षक आहेत, तर आरोपी कामगार आहे. घटनेच्या दिवशी दुपारी दीड वाजता आरोपी पीडितेच्या घरी आला. त्या वेळी पीडितेचे पती कामावर गेले होते. पीडितेने आरोपीला चहा दिला. त्यानंतर दुपारी साडेतीन वाजताच्या सुमारास पीडिता पुन्हा चहा करण्यासाठी गॅसजवळ गेली असता, आरोपीने तिच्यावर अत्याचार केले. या घटनेची वाच्यता केल्यास जीवे मारण्याची धमकीही पीडितेला दिली. त्यामुळे घाबरलेल्या पीडितेने पतीच्या कामाच्या ठिकाणी धाव घेतली. पतीला फोन करून घडलेला प्रकार सांगितल्यानंतर बारामती शहर पोलिस ठाण्यात तक्रार दिली.
Nashik Crime : दहावीच्या सात मुलांचा लहानग्यांवर अनैसर्गिक अत्याचार, नाशकात समाजकल्याण विभागाच्या हॉस्टेलमधील प्रकार

आरोपीकडून पीडितेवर दबाव

या खटल्यात अतिरिक्त सरकारी वकील के. एस. नवले यांनी काम पाहिले. त्यांनी सरकार पक्षातर्फे पाच साक्षीदार तपासले. त्यामध्ये पीडितेची साक्ष महत्त्वाची ठरली. आरोपीने खोट्या गुन्ह्यात गोवण्यात आल्याचा बचाव केला. मात्र, आरोपीच्या परिचयाचे लोक पीडितेला साक्ष फिरविण्यासाठी दबाव टाकत असल्याचे पीडितेच्या पतीने न्यायालयात सांगितले. गुन्ह्याचे स्वरूप व गांभीर्य आणि आरोपीने एका असहाय महिलेविरुद्ध गुन्हा केला आहे, ही बाब लक्षात घेऊन त्याला शिक्षा देणे न्याय्य ठरेल, असे नमूद करून न्यायालयाने आरोपीला शिक्षा ठोठावली; तसेच पीडितेच्या पुनर्वसनासाठी जिल्हा विधी सेवा प्राधिकरणाला भरपाई देण्याचा आदेशही दिला.