गिरणारे पंचक्रोशीतील रस्त्यावर अल्टो कारच्या चालकाचा वाहनावरील ताबा सुटल्याने कार उलटून सार्थक गंभीर जखमी झाला. इतरांनाही दुखापत झाली. सार्थक याचा चुलतभाऊ हरीश याने त्याला तत्काळ जिल्हा रुग्णाला दाखल केले. मात्र, डॉक्टरांनी सार्थकला तपासून मृत घोषित केले. घरातील एकुलत्या तरुणाचा अपघातात मृत्यू झाल्याने परिसरात हळहळ व्यक्त करण्यात येत होती. या प्रकरणी तालुका पोलिस ठाण्याचे हवालदार आर. के. पगारे, शिपाई अमोल गांगुर्डे तपास करत आहेत.

पतीनंतर मुलाचाही वियोग
अशोकनगर येथील जाधव संकुल परिसरातील होळकर चौक येथे रहाणे दाम्पत्याचा संसार सुखाने सुरू होता. परंतु, करोना काळात सार्थकचे वडील भगवान रहाणे यांचा मृत्यू झाला. आता संदीप फाउंडेशन येथे फार्मसीचे शिक्षण घेणाऱ्या सार्थकचादेखील अपघाती मृत्यू झाल्याने परिसरात हळहळ व्यक्त करण्यात येत होती. सार्थक चार तरुणांसोबत अल्टो गाडीतून प्रवास करीत होता. यामध्ये गौरव घोटेकर आणि दीपक गुंजाळ यांच्यासह सिडकोतील दोन तरुण जखमी झाले. त्यांच्यावर खासगी रुग्णालयात उपचार सुरू असल्याचे समजते.Nashik Crime: नोकरीच्या आमिषाने विवाहितेची दोन लाखांत विक्री; बळजबरीने लग्नही लावले, नाशिकमधील संतापजनक घटना
पिकअपच्या धडकेत दुचाकीस्वार ठार
नाशिकरोड : भरधाव पिकअप वाहनाने दुचाकीला समोरून जोरदार धडक दिल्याने दुचाकीवरील दोन भावांपैकी दुचाकी चालवणाऱ्या लहान भावाचा मृत्यू झाला. रवींद्र मारुती मोरे (रा. देशमुखवाडी, एकलहरे गेट) असे या अपघातात मृत्यू झालेल्या दुचाकीस्वाराचे नाव आहे, तर भिकन मारुती मोरे असे जखमीचे नाव आहे. रवींद्र हा त्याचा मोठा भाऊ भिकन याला सोबत घेऊन आपल्या दुचाकीवरून नाशिकरोड येथून घराच्या दिशेने जात असताना एकलहरे ते हिंगणवेढेदरम्यान असलेल्या सोलर प्लांटसमोरच्या रस्त्यावर त्यांच्या दुचाकीला समोरून आलेल्या भरधाव पिकअपने धडक दिली. या अपघातात रवींद्र याच्या चेहऱ्याला आणि डोक्याला गंभीर दुखापत होऊन त्याचा मृत्यू झाला. जखमी भिकन याने दिलेल्या फिर्यादीवरून या अपघातास कारणीभूत पिकअपचा चालक संतोष मुरलीधर बैरागी (नायगाव, ता. सिन्नर) याच्याविरोधात गुन्हा दाखल झाला आहे. हवालदार पवार तपास करीत आहेत.