ऑनलाईन ट्रेडिंगच्या आमिषाने जाळे

या संदर्भात मिळालेल्या माहितीनुसार, काही विद्यार्थ्यांना त्यांच्या परिचित मित्रांमार्फत ऑनलाईन ट्रेडिंगमधून मोठा नफा मिळवून देण्याचे आमिष दाखविण्यात आले. यासाठी बँक खाते उघडण्याची गरज असल्याचे सांगत विद्यार्थ्यांकडून आधार कार्ड आणि पॅन कार्डसारखी महत्त्वाची कागदपत्रे घेण्यात आली. त्यानंतर संबंधित खात्यांमधून लाखो रुपयांची व्यवहारांची उलाढाल झाल्याचे दोन वर्षांनी विद्यार्थ्यांच्या लक्षात आले.

पोलिसांकडे तक्रार; कारवाईचे आश्वासन

या प्रकरणाची गंभीर दखल घेत शिवसेना नगरसेवक महेश गायकवाड यांनी विद्यार्थ्यांना घेऊन परिमंडळ ३ चे उपायुक्त अतुल झेंडे यांची भेट घेतली. विद्यार्थ्यांच्या खात्यांचा गैरवापर करून आर्थिक फसवणूक करणाऱ्या आरोपींवर कठोर कारवाई करण्याची मागणी त्यांनी केली. यावेळी उपायुक्त झेंडे यांनी संबंधितांवर कायदेशीर कारवाई केली जाईल, असे आश्वासन दिले. तसेच विद्यार्थ्यांनी कोणत्याही व्यक्तीला आपली वैयक्तिक कागदपत्रे, बँक तपशील किंवा ओटीपी देऊ नयेत, असे आवाहनही त्यांनी केले.

Ahilyanagar Crime: ‘मी पोलीस आहे, ॲट्रॉसिटी दाखल करेन’; बस आगारामध्ये पोलिसाचा नशेत धिंगाणा, वाहक-चालकाला लाथाबुक्क्यांनी मारहाण, CCTV व्हिडिओ

सखोल चौकशी सुरू; पालकांची कारवाईची मागणी

दरम्यान, कल्याण-डोंबिवली परिसरात अशा प्रकारचे आणखी काही प्रकार घडले आहेत का, याबाबत पोलिस सखोल चौकशी करत आहेत. एकीकडे या घोटाळ्याचा भांडाफोड करण्याची मागणी फसवणूक झालेल्या विद्यार्थ्यांच्या पालकांकडून होत आहे.

तर दुसरीकडे विद्यार्थ्यांच्या निष्काळजीपणाचा गैरफायदा घेणाऱ्या टोळीविरोधात कडक कारवाई व्हावी, अशी मागणीही पालकांकडून करण्यात येत आहे.