चंद्रपूर येथे खासदार धानोरकर यांच्या पुढाकारातून काँग्रेस व मित्र पक्षाच्या नवनिर्वाचित तसेच पराभूत उमेदवारांचा स्नेहमिलन सोहळा आयोजित करण्यात आला होता. यावेळी त्या बोलत होत्या. व्यासपीठावर काँग्रेसच्या महिला जिल्हाध्यक्षा अॅड. कुंदा जेनेकर, शहराध्यक्ष संतोष लहामगे, विनोद दत्तात्रय, सुभाष गौर, जनविकास सेनेचे अध्यक्ष पप्पू देशमुख, नगरसेवक वसंता देशमुख यांच्यासह बहुसंख्येने नगरसेवक, पदाधिकारी व कार्यकर्ते उपस्थित होते.

Avinash Warjurkar : माजी आमदाराचा काँग्रेसला रामराम, मुंबईत फडणवीसांची भेट, भाजपचा झेंडा हाती धरणार
खासदार धानोरकर म्हणाल्या, महापौर आपलाच असावा किंवा आपण प्रबळ विरोधी पक्षात बसावे, अशा काँग्रेस नेत्या प्रियांका गांधी आणि काँग्रेसचे महासचिव के. सी. वेणुगोपाल यांच्या स्पष्ट सूचना होत्या. पक्ष वाढविण्यासाठी नेते प्रामाणिकपणे प्रयत्न करतात. मात्र काही स्वार्थी कार्यकर्ते स्वतःच्या फायद्यासाठी दुसऱ्या नेत्यांच्या विरोधात कानभरणी करून गटबाजी निर्माण करतात. अशा प्रवृत्तींमुळेच पक्षाच्या हक्काच्या संधी हुकतात, अशी खंत त्यांनी व्यक्त केली.

Chhatrapati Sambhajinagar Crime: छत्रपती संभाजीनगरमध्ये नायजेरियन तरुणांवर महिलेशी गैरवर्तनाचा आरोप, जमावाकडून चोप
खासदारांमुळेच वाढले नगरसेवक
जनविकास सेनेचे संस्थापक अध्यक्ष पप्पू देशमुख यांनी खासदार प्रतिभा धानोरकर यांच्या नेतृत्वाची प्रशंसा केली. ते म्हणाले, खासदारांच्या प्रभावी पुढाकारामुळेच काँग्रेसच्या नगरसेवकांची संख्या १२वरून २७पर्यंत पोहोचली आहे. भविष्यातही आम्ही त्यांच्याच मार्गदर्शनाखाली काम करू असेही त्यांनी नमूद केले