पोलिस सूत्रांनी दिलेल्या माहितीनुसार, संशयित शिक्षक उमेश अशोक शिंदे हा नंदुरबार शहरातील एका खासगी शाळेत शिक्षक म्हणून कार्यरत होता. त्याने त्याच शाळेतील अल्पवयीन विद्यार्थिनीला काहीतरी आमिष दाखवून व फूस लावून मोटारसायकलवर बसवून पळवून नेल्याचे तपासात उघड झाले आहे. ही घटना दि. २७ जानेवारी २०२६ रोजी दुपारी सुमारे १२ वाजता घडली होती. या घटनेनंतर विद्यार्थिनीच्या आईने २८ जानेवारी २०२६ रोजी नंदुरबार शहर पोलिस ठाणे येथे फिर्याद दाखल केली. प्रारंभी अज्ञात इसमाविरोधात अल्पवयीन युवतीस आमिष देऊन पळवून नेल्याप्रकरणी भारतीय न्याय संहिता कलम १३७ (२), ३५१, २, ३, ७३ तसेच पोस्को ११२ अन्वये गुन्हा नोंदविण्यात आला होता.

दरम्यान, तपासाची सूत्रे वेगाने हलवत पोलिसांनी सोमवारी (दि. १६ फेब्रुवारी) संबंधित शिक्षकाला अटक केली. सध्या त्याच्याकडून सखोल चौकशी सुरू असून न्यायालयीन प्रक्रियेनुसार पुढील कारवाई केली जाणार आहे.

या प्रकारामुळे शहरातील पालकांमध्ये भीतीचे वातावरण निर्माण झाले असून, “ज्यांच्यावर मुलांचा विश्वास असतो, त्यांनीच विश्वासघात केला,” अशी संतप्त प्रतिक्रिया उमटत आहे. शिक्षण क्षेत्रातील या गंभीर घटनेमुळे शाळांच्या सुरक्षा व्यवस्थेबाबतही प्रश्नचिन्ह निर्माण झालं आहे.

लेखकाबद्दलअक्षय शितोळेअक्षय शितोळे | २०१८ पासून डिजिटल मीडियात कार्यरत असून सध्या मटा ऑनलाइनमध्ये प्रिन्सिपल डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील रिपोर्टर्ससोबत समन्वय साधण्याचेही काम करत आहे. राजकीय बातम्यांमध्ये विशेष रस, बातम्यांमागची बातमी अर्थात घडामोडींचा विश्लेषणात्मक आढावा घेण्याचा सातत्याने प्रयत्न असतो. शेती आणि ग्रामीण जीवन हे जिव्हाळ्याचे विषय आहेत. यापूर्वी लोकमत, न्यूज १८ लोकमत आणि एबीपी माझा या संस्थांमध्येही कामाचा अनुभव असून मुंबईतील रूईया महाविद्यालयातून पत्रकारितेत पदवी प्राप्त केली आहे.… आणखी वाचा