नेमकी घटना काय?

प्राथमिक तपासानुसार, पीडित मुलगी शाळेतून घरी जात असताना साईनाथ (वय 18) आणि अजिंक्य (वय 18) यांनी तिला अडवून ‘तुझे मुलांसोबत लफडे आहेत, आम्ही तुझी बदनामी करू,’ अशी धमकी दिली. त्यानंतर नराधमांनी भीतीने घाबरलेल्या मुलीला त्यांनी विरूळ रोंघे मार्गावरील निर्जन ठिकाणी नेऊन पहिला अत्याचार केला. त्यानंतर कार्तिक गजानन शेलोकार, साहील (वय 18) आणि संकेत विनोद काळे (वय 2) यांनीही वेगवेगळ्या वेळी तिच्यावर अत्याचार केला.
Mumbai Crime : बॉयफ्रेंडची दुसऱ्या तरुणीसोबत जवळीक, गर्लफ्रेंडचा जळफळाट, 19 वर्षीय तरुणीला संपवलं; मुंबई हादरली

प्रकृती बिघडल्यानंतर धक्कादायक वास्तव समोर

हा अत्याचार 7 जुलै 2025 ते 6 फेब्रुवारी 2026 या कालावधीत सुरू होता. आरोपींनी सतत धमकावल्यामुळे पीडिता तक्रार करण्यास घाबरत होती. अखेर प्रकृती बिघडल्यानंतर वैद्यकीय तपासणीत ती तीन महिन्यांची गर्भवती असल्याचं निष्पन्न झालं, त्यानंतर हा प्रकार समोर आला. पोलिसांनी तत्परता दाखवत 9 फेब्रुवारी रोजी रात्री 10:51 वाजता कार्तिक गजानन शेलोकार (वय 21) आणि संकेत विनोद काळे (वय 22) या दोघांना अटक केली आहे. उर्वरित आरोपी साईनाथ, अजिंक्य आणि साहील असून पोलीस त्यांचा कसून शोध घेतला असून, ते तीन आरोपी सुद्धा अटकेत आहेत. पोलीस उपनिरीक्षक वीणा पांडे यांच्या मार्गदर्शनाखाली पुढील तपास सुरू आहे. आरोपींवर बलात्कार, सामूहिक अत्याचार, पॉक्सो व अॅट्रॉसिटी अंतर्गत गंभीर कलमे लावण्यात आली आहेत. आरोपींना कठोर शिक्षा व्हावी, यासाठी पोलीस जलदगतीने पुरावे गोळा करत आहेत.
Mumbai Local: मुंबई लोकलमधून तरुण थेट पाण्यात पडला, मध्यरात्री सुटकेचा थरार; VIDEO आला समोर

19 वर्षीय तरुणीला संपवलं

गोवंडी परिसरात 19 वर्षांच्या शिफा शेख हत्याकांडाने संपूर्ण परिसरात खळबळ उडाली आहे. प्रेमाच्या त्रिकोणातून झालेल्या या भीषण घटनेत शिफाला गोळी झाडून ठार केले गेले असून, पोलिसांनी तात्काळ चौघा आरोपींना अटक करून पोलीस कोठडीत टाकलं आहे. या प्रकरणी आरोपींमध्ये साजिद शेख, कलाम चौधरी, रिझवान शेख उर्फ नदीम आणि तबस्समूम शेख यांचा समावेश आहे. स्थानिक न्यायालयाने चारही आरोपींना 18 फेब्रुवारीपर्यंत पोलीस कोठडी सुनावली आहे.