आपण जी नावे सुचवली, त्याऐवजी दुसऱ्यालाच पक्षाने संधी दिल्याचे सांगत टेक्स्ट मेसेजवर आपला राजीनामा दिला होता. मात्र, या प्रकारामुळे भाजपची समाजमाध्यमांत बदनामी झाली. नाशिकमध्ये बहुमत असतानाही उमेदवार निवडीवरून नाट्य रंगल्यानंतर पक्षाने याची गंभीर दखल घेतली. याबाबत वरिष्ठ पातळीवरून केदार यांची कानउघडणी झाल्यानंतर केदार यांनी चोवीस तासांत यू टर्न घेतला. माझे समाधान झाल्याने राजीनामा मागे घेत असल्याचे सुनीर केदार यांनी सांगितले.कोअर कमिटीच्या बैठकीनंतर हलली सूत्रे
केदार यांनी शहराध्यक्षपदाचा राजीनामा दिल्यानंतर पक्षाच्या पदाधिकाऱ्यांशीही संवाद बंद केला होता. त्यामुळे वरिष्ठांनी याची गंभीर दखल घेत कोअर कमिटीला तातडीने संदेश पाठवत नव्या शहराध्यक्षांची नावे सुचवण्याचे निर्देश दिल्याचे समजते. कोअर कमिटीने काही इच्छुकांशीही बुधवारी (दि. ४)) बंद दाराआड चर्चा केली. याबाबतची माहिती केदार यांच्यापर्यंत पोहोचल्यानंतर सुनील केदार यांनी तातडीने राजीनामा मागे घेतल्याची चर्चा आहे.
मुख्यमंत्री, कुंभमेळामंत्र्यांनाच आव्हान !
केदार यांनी वारंवार पक्षाला अडचणीत आणण्याची भूमिका घेतली आहे. तिकीटवाटप करताना झालेल्या आर्थिक आरोपांकडेही त्यांनी सोयीस्कर दुर्लक्ष केले होते. महापालिकेत भाजपला स्पष्ट बहुमत असतानाही वरिष्ठांना विश्वासात न घेताच केदार यांनी परस्पर शिवसेना आणि राष्ट्रवादीला सत्तेत सहभागी करून घेण्याचे प्रयत्न सुरू केले होते. विशेष म्हणजे शिवसेनेच्या कार्यालयात जाऊन सत्तावाटपाबाबत चर्चा केली होती. त्यामुळे कुंभमेळामंत्री महाजन यांनाच ‘आम्हाला कुबड्यांची गरज नसल्याचे’ स्पष्ट करावे लागले. आता मुख्यमंत्री आणि कुंभमेळामंत्री यांनी घेतलेल्या निर्णयालाच आव्हान देऊन पक्षाला अडचणीत आणण्याची केदार यांनी भूमिका घेतल्याने आश्चर्य व्यक्त केले जात आहे.