सुनेत्रा पवार या आता राज्यसभेच्या सदस्या नाहीत, त्यामुळे त्या बजेट सत्रात सहभागी होणार नाहीत, असंही त्यांनी म्हटलं. तसेच, शरद पवार म्हणाले की, जिल्हा परिषद निवडणुकांसाठी मुख्यमंत्री देवेंद्र फडणवीस प्रचार करणार की नाही हा त्यांचा व्यक्तिगत निर्णय आहे. पण, येणाऱ्या काळात सर्व उमेदवार घडी या निवडणूक चिन्हावर लढणार का? याबाबत शरद पवारांनी काहीही स्पष्टपणे सांगितलं नाही.

तसेच, सुनील तटकरे यांच्या वक्तव्यावरही शरद पवारांनी स्पष्टीकरण केलं आहे. सुनील तटकरे काय वक्तव्य करत आहेत, याबाबत मला कल्पना नाही. पण, स्थानिक स्वराज्य संस्थांसंबंधी सर्व राजकीय समीकरणं अजित पवार स्वत: बघत होते. मी याप्रकरणाचा निर्णय त्यांनीच घ्यावा असं अजित पवारांना सांगितलं होतं. सुनील तटकरे म्हणाले होते की, घडी या निवडणूक चिन्हावर निवडणूक लढण्याचा निर्णय फक्त स्थानिक स्वराज्य संस्थांच्या निवडणुकांपुरता घेण्यात आला आहे.

अजित पवार यांच्या मृत्यूनंतर त्यांच्या पत्नी सुनेत्रा पवार या महाराष्ट्राच्या उपमुख्यमंत्री झाल्या आहेत. याबाबत मला कुठली माहिती नव्हती असंही शरद पवार यांनी सांगितलं होतं.