मुंबईहून बारामती येताना घडला भीषण अपघात

बुधवारी सकाळी 8.46 मिनिटांनी ही घटना घडली. अजित पवार खाजगी विमानाने सकाळी मुंबईहून बारामतीकडे रवाना झाले होते. बारामती विमानतळावर लँडिंगदरम्यान विमानाचा अपघात झाला. या अपघाताची चौकशी सुरू असून, विमानातील ब्लॅक बॉक्स सापडला असून त्याचा तपास केली जाणार आहे. विमानातील एफडीआर (Flight Data Recorder) आणि सीव्हीआर (Cockpit Voice Recorder) मधील रेकॉर्डिंगही काढण्यात येणार आहे. त्यानंतर या अपघातावेळी नेमकं काय घडलं हे समोर येईल.
Ajit Pawar: कसा झाला अजित पवारांचा मृत्यू? खरं कारण समोर येणार, विमानाचा ब्लॅक बॉक्स सापडला

धावपट्टीच्या डाव्या बाजुला ज्वाळा

28 जानेवारी रोजी सकाळी 8.18 वाजता हे विमान पहिल्यांदा बारामतीच्या संपर्कात आले होते. पायलटला सांगण्यात आले की, सध्या वारा फार नाही आणि दृश्यमानता साधारण 3000 मीटर इतकी आहे. त्यानंतर पायलटने सांगितले की, ते रनवे क्रमांक 11 च्या दिशेने येत आहेत, पण त्यांना रनवे दिसत नाहीये. नंतर पायलटने एटीसीला सांगितले की, रनवे दिसू लागला की सांगतो. रनवे क्रमांक 11 लँडिंगसाठी सज्ज करण्यात आला. मात्र, पायलटकडून कोणताही प्रतिसाद मिळाला नाही. त्यानंतर काही क्षणातच धावपट्टीच्या डाव्या बाजूला ज्वाळा आणि धुराचे लोट दिसले, अशी माहिती एका अधिकाऱ्याने दिली.

अपघातापूर्वी पायलट जोरात ओरडला

अपघात होण्याच्या काही मिनिटांआधी विमानातील पायलट जोरात ओरडल्याची प्राथमिक माहिती आता समोर आली आहे. विमान चुकीच्या ठिकाणी लँड करण्यात येत असल्याचा अंदाज पायलटला आला होता, अपघाताच्या काही सेकंदाआधी पायलट जोरात ओरडल्याची माहिती सूत्रांनी दिली आहे. विमानाच्या पायलटकडून एटीसीला मेडे कॉल (Mayday call) केला नसल्याची माहितीही समोर आली आहे. या घटनेत विमानातील दोन्ही पायलट सुमीत कपूर आणि शांभवी पाठकचाही मृत्यू झाला आहे.