या प्रकरणात अटक करण्यात आलेल्या पोलिस कर्मचाऱ्याचे नाव श्यामसुंदर विश्वनाथ गुजर (वय ३९, रा. नेप्ती) असे असून, तो अहिल्यानगर पोलिसांच्या स्थानिक गुन्हे शाखेत कार्यरत होता. त्याच्या अटकेमुळे पुणे व अहिल्यानगर पोलिस दलात खळबळ उडाली आहे.

Ajit Pawar Passed Away : अजित पवार यांचं विमान अपघातात निधन, मृत्यूच्या काही मिनिटं आधीचं ट्वीट व्हायरल, काय म्हणाले होते?
पुणे ग्रामीण पोलिसांच्या तपासात समोर आलेल्या माहितीनुसार, श्रीरामपूर पोलिसांनी २०२५ मध्ये एका कारवाईत ‘अल्प्राझोलम’ हा अमली पदार्थ जप्त केला होता. मात्र, हा मुद्देमाल अहिल्यानगर पोलिसांच्या मुद्देमाल कक्षातून बेकायदा बाहेर काढून तस्करीसाठी वापरण्यात आला. चोरी उघड होऊ नये म्हणून गुजरने त्या ठिकाणी दिसायला बनावट पदार्थ ठेवला होता, अशी माहिती पोलिस अधीक्षक संदीपसिंग गिल यांनी पत्रकार परिषदेत दिली.

डिसेंबर महिन्यात गुजरने मुद्देमाल कक्षातून ‘अल्प्राझोलम’ बाहेर काढून चित्तरकडे सुपूर्द केला. त्यानंतर चित्तरने हा अमली पदार्थ ज्ञानदेव शिंदे व महेश गायकवाड यांच्या माध्यमातून शादाब शेख याच्यापर्यंत विक्रीसाठी पोहोचवल्याचे उघड झाले आहे. या प्रकरणात आतापर्यंत हवालदार गुजरसह पाच जणांना अटक करण्यात आली आहे. शादाब रियाज शेख, ज्ञानदेव उर्फ माऊली शिंदे, ऋषीकेश प्रकाश चित्तर, महेश दादाभाऊ गायकवाड अशी अटक केलेल्या आरोपींची नावे आहेत.

Ajit Pawar : विमान धावपट्टीवरुन बाजूला गेलं, अन्…; अजित पवारांच्या विमानाचा अपघात कसा झाला? महाराष्ट्रातली सर्वात मोठी बातमी
पोलिसांशी पत्रव्यवहार
गुजरने यापूर्वीही मुद्देमाल कक्षातून इतर अमली पदार्थ गैरमार्गाने बाहेर काढले आहेत का, याची सखोल चौकशी करण्याची मागणी, पुणे ग्रामीण पोलिसांनी अहिल्यानगर पोलिस आयुक्तालयाशी पत्रव्यवहार करून केली आहे.

कोण आहे श्यामसुंदर गुजर ?
श्यामसुंदर गुजर याची २००८ मध्ये अहिल्यानगर पोलिस दलात भरती झाली. प्रशिक्षणानंतर त्याची पहिली नेमणूक पारनेर पोलिस ठाण्यात झाली, जिथे तो मुद्देमाल कारकून म्हणून कार्यरत होता. त्यानंतर बदलीनंतर तो तोफखाना पोलिस ठाण्यात काही काळ होता. पुढे त्याची नियुक्ती अहिल्यानगर स्थानिक गुन्हे शाखेत झाली आणि तेथेही त्याच्याकडे मुद्देमाल कारकुनाचीच जबाबदारी होती.