महापालिका निवडणुकीनंतर शिवसेना (५३ जागा) सर्वात मोठा पक्ष त्या पाठोपाठ भाजप (५० जागा) म्हणून पुढे आले आहेत. त्यामुळे भाजप नेतृत्वाने तातडीने गट स्थापन करण्याच्या हालचाली सुरू केल्या आहेत. मिळालेल्या माहितीनुसार भाजप नगरसेवकांचा अधिकृत गट जाहीर करण्यात येणार असून गटनेतेपदी शशिकांत कांबळे यांची नियुक्ती निश्चित मानली जात आहे. यामुळे केडीएमसीतील भाजपची गटशक्ती अधिक मजबूत होणार आहे.
शिवसेना ठाकरे गटाच्या पदाधिकाऱ्याचा हार्ट अटॅकने मृत्यू, पक्षाचा पोलिसांवर गंभीर आरोप
महापौरपद आणि सत्तावाटपाच्या मुद्द्यावर भाजप आणि शिंदे शिवसेना यांच्यात निर्णायक चर्चा सुरू असल्याची माहिती समोर आली आहे. भाजप प्रदेशाध्यक्ष तथा मंत्री रविंद्र चव्हाण हे शिंदे शिवसेनेच्या वरिष्ठ नेत्यांशी चर्चा करणार असल्याचे जिल्हाध्यक्ष परब यांनी सांगितले आहे. या चर्चांमध्ये महापौरपद, उपमहापौरपद तसेच स्थायी समिती अध्यक्षपद यासह महत्त्वाच्या पदांवर एकमत होण्याची शक्यता आहे. कोकण भवनात सुरू असलेल्या या हालचालींमुळे केडीएमसीतील सत्तास्थापनेची घडी बसू लागली आहे. भाजप–शिंदे शिवसेना–राष्ट्रवादी (अजित पवार गट) अशी महायुती केडीएमसीत सत्ता स्थापन करणार असल्याचे जवळपास स्पष्ट झाले आहे. त्यामुळे नगरसेवकांची कोकण भवनकडे धाव ही सत्तास्थापनेच्या प्रक्रियेतील महत्त्वाची पायरी मानली जात आहे.
Kalyan News: कल्याणचे नगरसेवक हरवले…; शिवसैनिकांनी लावलेल्या पोस्टरची सर्वत्र चर्चा, प्रकरण काय?
राजकीय वर्तुळात चर्चा आहे की, सत्तास्थापनेसाठी आवश्यक संख्याबळ महायुतीकडे असल्याने कोणतीही अडचण येण्याची शक्यता नाही. भाजप आघाडीवर असून समन्वयाच्या भूमिकेतून सत्तावाटपाचा अंतिम फॉर्म्युला ठरवला जात आहे. त्यामुळे येत्या काही दिवसांत केडीएमसीचा नवा महापौर कोण असेल, यावर शिक्कामोर्तब होणार आहे. एकूणच, कल्याण–डोंबिवली महापालिकेत सत्ता स्थापनेचा मार्ग मोकळा झाला असून कोकण भवनात सुरू असलेल्या बैठका आणि चर्चा यामुळे केडीएमसीतील सत्तानाट्य अंतिम टप्प्यात पोहोचल्याचे चित्र सध्या दिसून येत आहे.