तर, दुसरीकडे, चांदवड शहरातील मुबंई-आग्रा महामार्गवरील हॉटेल निकितासमोर शनिवारी (दि. २४) खासगी बसच्या अपघातात तीन महिन्यांचे बालक ठार झाले, तर पुरुष आणि महिला जखमी झाले. चांदवड पोलिसांत ट्रॅव्हल्स चालकाविरोधात गुन्हा दाखल करण्यात आला. मालेगावकडून नाशिकच्या दिशेने जाणारी रॉयल हर्ष टूर्सची बस (क्र. एआर २०, टी ३१६८) शहराजवळ हॉटेल निकितासमोर गतिरोधकावर पुढे जाणाऱ्या वाहनावर आदळून झालेल्या अपघातात बसमधील टेक अणे तिरुमा व विष्णुकुमारी नेपा हे दोघे जखमी झाले, तर तीन महिन्यांचे बाळ प्रतीक टेक याचा मृत्यू झाला. जखमींना उपजिल्हा रुग्णालयात उपचारांसाठी दाखल करण्यात आले. बसचालक गुलाब नशिर मोहम्मद ( मध्य प्रदेश) याच्यावर गुन्हा दाखल करण्यात आला.