पुर्व-पश्चिम जोडणार

गोरेगाव-मुलुंड जोड मार्ग प्रकल्प एकूण चार टप्प्यांमध्ये प्रस्तावित आहे. टप्पा तीन (अ)मध्ये उड्डाणपूल व अन्य बांधकामाचा समावेश आहे. या प्रकल्पांतर्गत दिंडोशी-गोरेगाव -दादासाहेब फाळके चित्रनगरी या दरम्यान उड्डाणपुलाचे काम सुरू आहे. या कामाची अतिरिक्त महानगरपालिका आयुक्त (प्रकल्प) अभिजीत बांगर यांनी गुरुवारी पाहणी केली. गोरेगाव-मुलुंड जोड मार्ग हा मुंबईमधील पूर्व आणि पश्चिम उपनगरांना एकमेकांशी जोडणारा चौथा प्रमुख जोडरस्ता आहे.Nashik News: नाशिकमधील द्वारका मार्ग आठ पदरी होणार, दोन महामार्गांशी थेट लिंक; मुंबई, पुणे, शिर्डी… कुठे-कुठे जोडणार?

विशेषत: उत्तर मुंबईतील वाहतुकीस याचा मोठा फायदा होणार आहे. सुमारे १२.२० किलोमीटरच्या या प्रकल्पामुळे पूर्व-पश्चिम उपनगरांदरम्यान नवीन जोडरस्ता तयार होईल आणि नागरिकांना वाहतूककोंडीपासून दिलासा मिळेल. गोरेगाव ते मुलुंडदरम्यान प्रवासाचा कालावधी ७५ मिनिटांवरून सुमारे २५ मिनिटांपर्यंत कमी होईल. इंधनबचतीसह मुंबईच्या वायू गुणवत्ता निर्देशांकातही (एक्यूआय) यांमुळे सुधारणा होणार आहे.

कसा असेल उड्डाणपूल?

दिंडोशी न्यायालय ते दादासाहेब फाळके चित्रनगरी दरम्यान उभारण्यात येणाऱ्या उड्डाणपुलाची उभारणी दोन टप्प्यांत करण्यात येत आहे. त्यामध्ये गोरेगाव बाजू आणि मुलुंड बाजू असे दोन भाग आहेत. दिंडोशी न्यायालयापासून पुलास सुरुवात होते. रत्नागिरी जंक्शन हॉटेल येथे हा पूल ९० अंश कोनात वळण घेतो, तर, दादासाहेब फाळके चित्रनगरी येथे उतरतो. पुलाचे एकूण ३१ खांब असून, यापैकी ३० खांबांची उभारणी यशस्वीरीत्या पूर्ण झाली आहे. तसेच, एकूण ३० पैकी १७ स्पॅनचे काम पूर्ण करण्यात आले आहे. उर्वरित १३ स्पॅनचे काम लवकरात लवकर पूर्ण करण्याचे नियोजन आहे. उड्डाणपुलाचे एकूण ७५ टक्के काम पूर्ण झाले आहे, अशी माहिती महापालिकेकडून देण्यात आली.