स्पर्धेचा मार्ग कसा असेल?

सायकल स्पर्धेचा मार्ग भोसरी एमआयडीसीतील महत्त्वाच्या रस्त्यांवरून (शाहूनगर, टेल्को रोड, स्पाईन सिटी चौक) निश्चित करण्यात आला आहे. स्पर्धकांना कोणताही अडथळा येऊ नये, यासाठी पिंपरी-चिंचवड लघुउद्योग संघटनेने पुढाकार घेतला आहे. संघटनेचे अध्यक्ष संदीप बेलसरे यांच्या माहितीनुसार, भोसरी एमआयडीसीतील उद्योगांची दर गुरुवारी असणारी साप्ताहिक सुट्टी रद्द करून ती शुक्रवारी जाहीर करण्यात आली आहे. यामुळे या परिसरातील जवळपास सहा हजार कंपन्या उद्या बंद राहतील. विशेष म्हणजे, उद्योगांच्या सोयीसाठी महावितरणने देखील गुरुवारी होणारे वीज देखभालीचे काम (शटडाऊन) शुक्रवारवर हलवले आहे.Pune News : पुण्यात २१ आणि २३ जानेवारीला महत्त्वाचे रस्ते १२ ते ४पर्यंत बंद, पर्यायी मार्ग कोणते? जाणून घ्या

शाळेंना देखील हाफ डे

पुणे शहरात या स्पर्धेची सांगता बालगंधर्व रंगमंदिर परिसरात होणार आहे. यामुळे शहरातील मध्यवर्ती भागात मोठ्या प्रमाणावर वाहतूक वळवली जाणार आहे. शाळेतील विद्यार्थी आणि पालकांची संभाव्य धावपळ थांबवण्यासाठी जिल्हाधिकारी जितेंद्र डुडी यांनी खबरदारीचा उपाय म्हणून आदेश काढले आहेत. त्यानुसार, पुणे मनपा हद्दीतील सर्व सरकारी तसेच खासगी शाळांचे कामकाज शुक्रवारी केवळ दुपारी 12 वाजेपर्यंतच चालेल. 12 नंतर शाळांना सुट्टी असेल.

बालेवाडीपासून सुरू होणारी ही स्पर्धा बालगंधर्वपर्यंत सुमारे 58 ते 75 किलोमीटरचा पल्ला गाठणार आहे. उद्या पुणे ग्रँड टूर या अंतरराष्ट्रीय सायकल स्पर्धेचा चौथा टप्पा आहे. त्यामुळे नागरिकांना याची नोंद घेऊनच घराबाहेर पडण्याचं आवाहन केलं आहे. तसेच पालकांनीही शाळेच्या बदलेल्या वेळांची नोंद घ्यावी असं सांगण्यात आलं आहे. आज या स्पर्धेचा तिसरा टप्पा सासवड ते बारामती दरम्यान आयोजित करण्यात आला असून, आज देखील 12 ते 3 वाजेपर्यंत या ठिकाणांवरील वाहतूक वळवली आहे.