राजू रामचंद्र पवार राहणार जामडी असे खून झालेल्या व्यक्तीचे नाव आहे.तर वंदना राजू पवार वय ४५, मुलगा धीरज उर्फ टेमा राजू पवार वय १८ राहणार जामडी फॉरेस्ट तालुका कन्नड असे अटक करण्यात आलेल्या आरोपीचे नाव आहे. दरम्यान याप्रकरणी पोलिसांनी दिलेल्या माहितीनुसार,मृत राजू रामचंद्र पवार हा गावातीलच वंदना पवार हिच्याकडे वारंवार शारीरिक संबंधांची मागणी करत होता. या त्रासाला कंटाळलेल्या वंदनाने आपल्या १८ वर्षांच्या मुलासह, धीरज ऊर्फ टेमा याच्यासोबत मिळून राजूला कायमचे संपवण्याचा कट रचला.

थरारक सापळा: शेतात बोलावले आणि…

घटनेच्या दिवशी वंदनाने राजूला खुणेने शेतात बोलावले. वासनेने अंध झालेला राजू तिथे पोहोचला. तो शरीरसंबंधासाठी कपडे काढत असतानाच दबा धरून बसलेल्या धिरजने त्याच्या डोक्यात जोरदार प्रहार केला. त्याचवेळी आईने त्याचे गुप्तांग दाबून त्याचा श्वास रोखला. अवघ्या काही मिनिटांत राजूला ठार मारल्यानंतर खऱ्या अर्थाने सुरू झाला दृश्यमचा खेळ

Nanded Crime: शेअर मार्केटची नशा उतरली! पत्नीचं गंठण विकून पैसे उडवले, बनाव रचून पोलिसांना फसवणाऱ्या पतीचा असा फुटला ‘अँटिक’ डाव

दृश्यम स्टाईलने पुरावे नष्ट करण्याचा प्रयत्न

धिरजने क्राईम पेट्रोल आणि दृश्यम चित्रपट पाहून पोलिसांची दिशाभूल करण्याची पूर्ण तयारी केली होती.

पोलिसांचा ‘बंजारा’ पॅटर्न आणि गुन्ह्याचा उलगडा…

गावकरी काहीही बोलण्यास तयार नसल्याने पोलीस निरीक्षक विजयसिंग राजपूत यांनी मास्टरस्ट्रोक खेळला. त्यांनी बंजारा भाषा बोलणारे गुप्तहेर आणि महिलांना साध्या वेशात गावात पाठवले. ‘आपलाच माणूस’ समजून वंदनाने काही गुपिते ओकली आणि पोलिसांचा संशय बळावला. अखेर पोलिसी खाक्या दाखवताच या माय-लेकांनी आपला गुन्हा कबूल केला.