मुंबई: आज सकाळी (मंगळवार) मुंबईतील टाइम्स ऑफ इंडिया ब्रिजजवळ (Times of India Bridge) वेस्टर्न एक्सप्रेस हायवेवर धावणाऱ्या एका खासगी बसला अचानक आग लागल्याची घटना घडली. मालाड परिसरात मेट्रो लाईन 7 (रेड लाईन) च्या पुलाखाली सकाळी सुमारे 10 वाजता हा भीषण प्रकार घडला. या घटनेचा व्हिडिओ सध्या सोशल मीडियावर मोठ्या प्रमाणात व्हायरल होत आहे. व्हिडिओमध्ये बस संपूर्णपणे आगीच्या थारोळ्यात सापडलेली दिसत असून, आकाशात दाट काळ्या धुराचे लोट पसरलेले पाहायला मिळत आहेत.
मालाड पूर्वेकडील वेस्टर्न एक्सप्रेस हायवेवरून ही खासगी स्लीपर बस प्रवास करत होती. सदर बस मुंबईहून उज्जैनकडे जात असल्याची माहिती समोर आली आहे. प्रवाशांनी भरलेल्या या बसने अचानक पेट घेतल्यानं परिसरात एकच खळबळ उडाली. या आगीमुळे वेस्टर्न एक्सप्रेस हायवेवरील दोन्ही बाजूंची वाहतूक काही काळासाठी पूर्णपणे विस्कळीत झाली होती. व्हायरल झालेल्या व्हिडिओमध्ये पिवळ्या रंगाची ही खासगी बस मेट्रो ब्रिजखाली आगीच्या भयानक थारोळ्यात दिसून येत असून, बसच्या आजूबाजूला दाट काळा धूर पसरलेला स्पष्टपणे दिसत आहे.
Spain Train Crash: मृतांचा आकडा 39 वर, हाय-स्पीड ट्रेन रूळावरून 13 फूट खाली कोसळली; अत्याधुनिक रेल्वे नेटवर्कवर इतका भीषण अपघात कसा?
घटनेची माहिती मिळताच वाहतूक पोलीस, अग्निशमन दल, पोलीस प्रशासन, मेट्रो प्रशासन आणि 108 रुग्णवाहिका सेवेची पथके तातडीने घटनास्थळी दाखल झाली. अग्निशमन दलाने दिलेल्या माहितीनुसार, बस रस्त्यावरून प्रवास करत असतानाच अचानक आग लागली. मात्र चालक व वाहकाच्या सतर्कतेमुळे आणि तत्काळ केलेल्या कारवाईमुळे बसमधील सर्व प्रवाशांना वेळेत सुरक्षित स्थळी हलवण्यात यश आलं.
https://x.com/Lalmohmmad/status/2013479075063722041?s=20
सकाळी 10.33 वाजेपर्यंत अग्निशमन दलाने आगीवर यशस्वीपणे नियंत्रण मिळवत ती पूर्णपणे विझवली. या घटनेत कोणतीही जीवितहानी किंवा जखमी झाल्याची माहिती समोर आलेली नाही. आग लागण्यामागील नेमकं कारण अद्याप स्पष्ट झालेलं नसून, यासंदर्भात अधिक तपास सुरू असल्याचं सांगण्यात आलं आहे.
Central Railway: दादर, CSMT वरून सुटणाऱ्या रेल्वेंसाठी नवी स्थानकं, मध्य रेल्वेची मोठी घोषणा; कर्जत-कसारा लोकलचा होणार फायदा
सकाळच्या गर्दीच्या वेळीआणि अत्यंत वर्दळीच्या मार्गावर ही घटना घडल्यामुळे परिसरात काही काळ भीतीचं वातावरण निर्माण झालं होतं. मात्र, वाहतूक पोलीस, मेट्रो प्रशासन आणि अग्निशमन दलाच्या समन्वयातून वेळेत बचावकार्य करण्यात आल्यामुळे मोठा अनर्थ टळला असून, काही वेळानंतर वेस्टर्न एक्सप्रेस हायवेवरील वाहतूक पुन्हा सुरळीत करण्यात आली.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा