नेमकं काय घडलं?

शहरात एक बेदरकारपणे चारचाकी वाहन चालवणाऱ्या व्यक्तीकडून हा अपघात घडला आहे. शहरातून चाललेल्या या महिलेच्या अंगावरूनच चक्क संपूर्ण वाहन गेले ज्यात त्यांचा मृत्यू झाला आहे. रत्नागिरी शहरातील लाला कॉम्प्लेक्स येथे रविवारी संध्याकाळच्या सुमारास ही भीषण अपघाताची घटना घडली आहे. याप्रकरणी राजीवडा येथील युवकावर शहर पोलीस ठाण्यात गुन्हा दाखल करण्यात आला आहे.

उदय सामंतांनी घेतली दखल

रस्त्यावर भरधाव होंडा सिटी गाडी कार घेऊन जात असताना हा भीषण अपघात झाला. या सगळ्या अपघात प्रकरणाची दखल पालकमंत्री उदय सामंत व आमदार किरण ऊर्फ भैया सामंत यांनी घेतली असून रत्नागिरी शहर पोलिसांना याप्रकरणी कारवाई करण्याचे आदेश दिले आहेत.

Corporator Salary : तुमच्या नगरसेवकाला किती पगार मिळतो, कोणत्या सुविधा मिळतात? स्वेच्छा निधीचा आकडा माहितीये का?

अपघातात मृत्यू पावलेल्या सुनीता साळवी या गेली 30 वर्षे रत्नागिरी शहरात ब्युटी पार्लरचा व्यवसाय करत असून रत्नागिरीमधील त्या पहिल्या ब्युटी पार्लरच्या व्यावसायिक आहेत. त्यांची रत्नागिरी शहरात दोन पार्लर आहेत.

सगळ्यांशी मिळून मिसळून राहणाऱ्या नम्र स्वभावाच्या सुनीता रत्नागिरी शहर परिसरात ओळखल्या जात. शहर परिसरात माणुसकीला ही लाजवेल अशी ही दुर्दैवी अपघाताची घटना घडली आहे.

सुनीता साळवी यांच्या दुर्देवी मृत्यूमुळे रत्नागिरी शहर परिसरातून हळहळ व्यक्त करण्यात येत आहे. त्याच्या पश्च्यात पती, मुलगा,सून, नातू व मुलगी असा मोठा परिवार आहे. या प्रकरणाचा अधिक तपास रत्नागिरी शहर पोलीस ठाण्याचे परिसर विवेक पाटील करत आहेत.