१ जानेवारीपासून फिर्यादी वैभव आसाराम खेंडके (वय २७, रा. श्रीगोंदा) यांना अज्ञात मोबाईल क्रमांकावरून व्हॉट्सअ‍ॅपवर धमकीचे मेसेज येऊ लागले. तुझे खासगी फोटो व्हायरल करू अशी भीती दाखवत आरोपींनी २० लाखांची खंडणी मागितली. घाबरलेल्या वैभव यांनी सुरुवातीला १ लाख ५० हजार रुपये दिले. मात्र एवढ्यावर न थांबता आरोपींनी आता तुला किंवा तुझ्या घरच्यांना जिवंत सोडणार नाही” अशी जिव्हारी लागणारी धमकी दिली.

प्रकरणाचे गांभीर्य ओळखून श्रीगोंदा पोलिसांनी वेळ न दवडता मोहीम उघडली. पोलीस निरीक्षक किरण शिंदे यांच्या नेतृत्वाखाली विशेष पथके तयार करण्यात आली. सायबर सेलच्या मदतीने मोबाईल ट्रेसिंग करत खंडणीखोरांच्या मुसक्या आवळण्यात आल्या. चौकशीत आकाश पोपट मोरे, बापू विठ्ठल शिंदे आणि किरण विठ्ठल शिंदे हे तिघे मुख्य आरोपी निष्पन्न झाले.

Dharashiv Crime: धक्कादायक! ‘कुटुंब नियोजन का केलं नाही?’ शुल्लक वादातून दगडाने ठेचून संपवलं; तुळजापूर हादरलं

३ मोबाईल फोन आणि ३ चारचाकी वाहने एकूण किंमत ५४.८० लाख रुपये मुद्देमाल जप्त

दरम्यान, या कारवाईत पोलिसांनी आरोपींकडून गुन्ह्यासाठी वापरलेले ३ मोबाईल फोन आणि ३ आलिशान चारचाकी वाहने जप्त केली आहेत याशिवाय एकूण मुद्देमालाची किंमत ५४.८० लाख रुपये इतकी आहे. तपासात आणखी धक्कादायक माहिती समोर येण्याची शक्यता असून टोळीचा पसारा मोठा असल्याचे संकेत पोलिसांनी दिले आहेत.

ही कारवाई पोलीस अधीक्षक सोमनाथ घार्गे, अपर पोलीस अधीक्षक वैभव कलुबर्मे आणि उपविभागीय पोलीस अधिकारी प्रवीणचंद्र लोखंडे यांच्या मार्गदर्शनाखाली पार पडली. श्रीगोंदा पोलीस आणि सायबर सेलच्या पथकाने दाखवलेली तत्परता सध्या सर्वत्र चर्चेचा विषय ठरत आहे.