पिंपरी-चिंचवड महापालिका निवडणुकीत भाजपचा दणदणीत विजय झाला. आमदार शंकर जगताप यांच्या नेतृत्वाखाली भाजपने ८५ जागा जिंकल्या. दिवंगत आमदार लक्ष्मण जगताप यांच्या कार्याचा प्रभाव निवडणुकीत दिसून आला. मतदारांनी विकासाला पसंती दिली. भाजपची सत्ता पुन्हा एकदा शहरात स्थापन झाली.
पिंपरी-चिंचवड महापालिकेच्या सार्वत्रिक निवडणुका पार पडून 16 जानेवारी रोजी निकाल जाहीर झाला. या निकालात भाजपने 85 जागांवर विजय मिळवला, तर राष्ट्रवादी काँग्रेसला 37 आणि शिवसेनेला 6 जागांवर समाधान मानावे लागले. यापूर्वीच्या सर्व महापालिका निवडणुका लक्ष्मण जगताप यांच्या थेट मार्गदर्शनाखाली पार पडत होत्या. 2023 मध्ये त्यांच्या निधनानंतर ही पहिलीच महापालिका निवडणूक होती. संपूर्ण शहरावर त्यांची पकड आणि संघटनशक्ती होती, हे वारंवार सिद्ध झाले आहे. तोच संघटनात्मक करिष्मा यंदाच्या निवडणुकीतही पुन्हा दिसून आला.
2026 ची महापालिका निवडणूक चिंचवड मतदारसंघाचे आमदार शंकर जगताप यांच्या नेतृत्वाखाली लढवली गेली. निवडणूक प्रचार प्रमुख म्हणून त्यांच्यावर संपूर्ण शहराची जबाबदारी सोपवण्यात आली होती. या संधीचे सोने करत शंकर जगताप यांनी भाजपची निर्विवाद सत्ता पुन्हा एकदा पिंपरी-चिंचवडमध्ये खेचून आणली. आरोप-प्रत्यारोपांच्या राजकारणात अडकलेल्या राष्ट्रवादी काँग्रेसच्या विरोधात भाजपाने आपला यशाचा ‘ग्राफ’ कायम राखला.
Bhiwandi Municipal Election Result 2026 : भिवंडी महापालिकेचा A टू Z निकाल इथे वाचा, वाचा सर्व विजयी उमेदवारांची यादी
निकालानुसार चिंचवड मतदारसंघातून भाजपाने 39 जागांवर विजय मिळवला, भोसरी मतदारसंघात 35 तर पिंपरी मतदारसंघात 12 जागांवर भाजपाचे उमेदवार विजयी झाले. या यशामध्ये शंकर जगताप यांच्या प्रभावी संघटनकौशल्याचा आणि नियोजनबद्ध प्रचाराचा मोठा वाटा असल्याचे स्पष्ट होते.BMC Election Result 2026 : मुंबई महापालिकेत तख्तापलट, वाचा विजयी उमेदवारांची संपूर्ण A टू Z यादी
“लोकनेते लक्ष्मणभाऊ जगताप यांच्या निधनानंतर ही पहिलीच महापालिका निवडणूक होती. त्यांची उणीव आम्हाला नक्कीच जाणवत होती. मात्र त्यांनी दिलेले विचार आणि शहराचा विकास हेच अंतिम ध्येय मानून आम्ही काम केले. पिंपरी-चिंचवड महापालिका निवडणुकीतील हा विजय सुज्ञ मतदारांचा विजय आहे. विकासाला विरोधाची झालर चढवण्याचा प्रयत्न झाला, मात्र मतदारांनी तो ठामपणे फेटाळला. शहराच्या विकासाचे महत्त्व मतदारांना चांगलेच समजले आहे”, अशी प्रतिक्रिया शंकर जगताप यांनी दिली.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा