किती जागा मिळणार?
साम टीव्हीच्या एक्झिट पोलनुसार परभणी महापालिकेत शिवसेना ठाकरे गटाचा महापौर होण्याची शक्यता वर्तवण्यात येत आहे. काँग्रेसची साथ मिळाल्यास परभणीचा गड उद्धव ठाकरेंकडे येऊ शकतो असा अंदाज आहे. सामच्या एक्झिट पोलनुसार परभणीत महापालिकेत शिवसेना ठाकरे गट – 22,काँग्रेस – 14, भाजप- 8, शिवसेना शिंदे गट – 2, अजित पवार राष्ट्रवादी -10,शरद पवार राष्ट्रवादी – 4, वंचित – 1 असे पक्षीय बलाबल असू शकते.

सत्ता समीकरण
परभणी महापालिकेत एकूण जागा 65 असून सत्तेत येण्यासाठी 33 जागांची आवश्यकता आहे. जर एक्झिट पोलचे आकड्यांचा विचार केल्यास ठाकरे गट 22 आणि काँग्रेस 14 जागा मिळवण्यात सफल होतात. तर त्यांची सत्ता या महापालिकेत येऊ शकते. महाविकास आघाडीतील घटक पक्ष असलेला राष्ट्रवादी शरदचंद्र पवार पक्षाच्या 4 नगरसेवकांचा पाठिंबा त्यांना मिळू शकतो. 2017 ला एकत्र शिवसेनेला केवळ 6 जागा जिंकता आल्या होत्या. आता मात्र मोठी झेप या बालेकिल्ल्यात घेऊ शकतात.

नेहमी ठाकरेंसोबत
परभणीत खासदार संजय जाधव आणि आमदार डॉ राहुल पाटील यांच्याकडे शिवसेना ठाकरे गटाचे नेतृत्व आहे. परभणी विधानसभेत 1990 पासून शिवसेनेचा आमदार आहे. तर 1999 पासून गेली 25 वर्षे येथे शिवसेनेचा खासदार आहे. शिवसेनेच्या फुटीनंतरही परभणीकरांनी खासदार ठाकरे गटाचा निवडून दिला होता. तर विधानसभेच्या महायुतीच्या लाटेतही आमदार डॉ पाटीलांना परभणीकरांनी जिंकवले होते. आता महापालिकेत सत्ता आल्यास दोघांचा पक्षातील प्रभाव वाढू शकतो.