दुसरीकडे, मुंबईतील अंधेरी पूर्व येथील संभाजी नगर भागातील ७५ वर्षीय दिलीप पाटील यांचे नाव वॉर्ड क्रमांक ८४ मधील मतदार यादीतून गायब झाले आहे. आतापर्यंत अनेक निवडणुकांमध्ये मतदान केलं आहे, पण या वेळी यादीतून नाव गायब झाल्याचं त्यांनी सांगितलं. त्यामुळे मतदानाच्या अधिकारापासून वंचित राहावं लागल्याचं पाटील म्हणाले.

अनेकांचं नाव आणि फोटो यांची यादीत गल्लत आहे. ऑनलाइन फोटो अपडेट झाला, तरी रिफ्लेक्ट न झाल्याने मतदान करायला दिलं नाही. काही ठिकाणी नवीन व्होटर आयडी आले, पण त्या आयडीप्रमाणे नावच नाही यादीत. एका ठिकाणी नाव मुलाचं आणि फोटो आईचा, असाही यादीचा घोळ पाहायला मिळाला.

BMC Election : दहा वाजता मतमोजणी, एका वेळी दोनच प्रभागांचं Counting, कोणकोणत्या उमेदवारांचे निकाल लांबणार?
मुंबई महापालिकेच्या निवडणुकीसाठी होत असलेल्या मतदानावेळी दुबार मतदारांना रोखण्याचे आव्हान निवडणूक अधिकारी आणि महापालिकेसमोर आहे. सुमारे एक लाखाहून अधिक दुबार मतदारांनी दुबार मतदान न करण्याचे हमीपत्र अद्याप दिलेले नाही. मुंबई महापालिकेच्या २२७ प्रभागांत एक हजार ७०० उमेदवार रिंगणात आहेत.
BMC Election : बिनविरोध निवडणुकांबाबत हायकोर्टाचा सर्वात मोठा निर्णय, एकमेव उमेदवार उरला असेल तरीही…
मुंबईत दुबार मतदारांची संख्या ११ लाख एक हजार ५०५ होती. महापालिकेच्या माहिती व तंत्रज्ञान विभागाने दुबार मतदारांच्या नावांची फेरपडताळणी केली. अंतिमतः एकूण दुबार मतदारांपैकी एक लाख ६८ हजार ३५० दुबार मतदारांची नावे कायम राहिली. माहिती व तंत्रज्ञान विभागाने एका सॉफ्टवेअरच्या आधारे वॉर्डच्या अंतर्गत दोन किंवा त्यापेक्षा अधिक वेळा आलेल्या नावांची स्वतंत्र यादी केली. प्रत्येक वॉर्डनुसार विभागणी करून वॉर्डस्तरावर दुबार मतदारांसंदर्भातील डेटा तपासण्यात आला आणि त्यानंतर दुबार यादी अंतिम करण्यात आली.
KDMC Ink Wiped : मतदानानंतर बोटावरची शाई पुसली गेली! कल्याणमध्ये मनसेच्या महिला उमेदवाराचा संताप, असंच करायचं तर…
दुबार नावे असलेल्यांच्या घरी महापालिका कर्मचाऱ्यांनी भेटी दिल्या आणि ४८ हजार ६२८ जणांनी दोन वेळा मतदान करणार नसल्याचे हमीपत्र भरून दिले. मात्र उर्वरित दुबार मतदार कामानिमित्त घराबाहेर गेल्याने घर बंद असणे, अन्यत्र स्थलांतर होणे आदी कारणांमुळे उपलब्ध होऊ शकले नाहीत. त्यामुळे एक लाखाहून अधिक दुबार मतदारांना रोखण्याचे आव्हान आहे. मतदाराचे दुबार नाव आढळताच मतदान केंद्रांवर त्यांचे दोन पुरावे तपासले जातील आणि एकाच ठिकाणी मतदान करणार असल्याचे हमीपत्रही घेतले जाईल, असे महापालिकेने आधीच स्पष्ट केले आहे. त्यासाठी प्रत्येक मतदान केंद्रात महापालिकेचे कर्मचारी कार्यरत राहणार आहेत.