ठाणे महापालिकेच्या सार्वत्रिक निवडणुकांसाठी गुरुवारी सकाळी साडेसातपासून मतदानाला सुरुवात होणार आहे. यंदा गेल्या निवडणुकीप्रमाणेच एकूण चार मते मतदारांना द्यावी लागणार आहेत. त्यातील विविध सिस्टीमबाबत निवडणूक निर्णय अधिकाऱ्यांकडून प्रभाग क्रमांकनिहाय झोनमधील सर्व कर्मचाऱ्यांना मार्गदर्शन करण्यात आले. यावेळी एकूण चार मते देणे बंधनकारक असून ईव्हीएम मशीनबाबत व मतदारांच्या प्रश्नांना उत्तरे देणे, आवश्यक कागदपत्रांच्या अतिरिक्त प्रती सोबत बाळगणे, मतदान सुरू होण्याआधी तसेच मतदान प्रक्रिया पूर्ण झाल्यानंतर ईव्हीएमची योग्य तपासणी करणे आदी महत्त्वाच्या मुद्द्यांबाबत कर्मचाऱ्यांना माहिती देण्यात आली.

सखी व आदर्श मतदान केंद्र
सखी मतदान केंद्राचे वैशिष्ट्य म्हणजे या केंद्रावर मतदान केंद्राध्यक्ष, मतदान अधिकारी १.२ व ३, शिपाई व पोलिस कर्मचारी देखील महिलाच असणार आहेत. संपूर्णपणे महिला चालवित असलेले हे मतदान केंद्र असून या मतदान केंद्राचा गुलाबी रंग असणार असून फुगे व आकर्षक सजावट येथे करण्यात येणार आहे. पिंक बूथ अशी देखील या मतदान केंद्राची ओळख आहे. सर्व सुविधायुक्त असे आदर्श मतदान केंद्र देखील तयार करण्यात आले आहे.

मतमोजणी ११ ठिकाणी
प्रभाग या निवडणुकीची मतमोजणी शुक्रवार, १६ जानेवारी रोजी होणार आहे. ठाणे महानगरपालिका सार्वत्रिक निवडणुकीसाठी ११ विभागनिहाय निवडणूक निर्णय अधिकाऱ्यांची नेमणूक करण्यात आली असून मतमोजणी १६ जानेवारी रोजी सकाळी १० वाजल्यापासून होणार असल्याची माहिती आयुक्त तथा निवडणूक अधिकारी सौरभ राव यांनी दिली.
बदलापूर भाजपची पाठ सोडेना; शिंदेंच्या होमपीचवर पुन्हा गोची; स्वपक्षीयांमुळे ‘स्वीकृत’ अडचण
ठाणे महापालिका
एकूण प्रभागांची संख्या ३३
चार सदस्यीय प्रभाग संख्या ३२
तीस सदस्यीस प्रभाग संख्या १
एकूण जागा १३१
एकूण मतदारांची संख्या १६,४९,८६८
पुरुष मतदार ८,६३,०००
महिला मतदार ७,८५,८३०
इतर मतदार १५९
मतदान केंद्र २,०१३
निवडणूक कामाजासाठी नियुक्त कर्मचारी १२ हजार ६५०