पत्रकात म्हटले आहे की,पक्षाचे पदाधिकारी असताना पक्षशिस्त, धोरणे व निर्णय यांचे पालन होणे अपेक्षित होते, तथापि आपल्या कार्यपद्धतीमुळे पक्षाचे संघटनात्मक शिस्तीला बाधा निर्माण होत असल्याचे निदर्शनास आले आहे. यासंदर्भात पक्षाच्या कोअर कमिटीच्या बैठकीत सविस्तर चर्चा करण्यात आली असून, त्यानुसार पुढील पदाधिकार्यांचे पक्षाचे प्राथमिक सदस्यत्व तसेच सध्या आपण भूषवत असलेले सर्व पद समाप्त करण्याचा निर्णय घेण्यात आला आहे. हा निर्णय पक्षहित व संघटनात्मक शिस्त लक्षात घेऊन घेण्यात आलेला असून तो तत्काळ लागू राहील.

खालील यादीप्रमाणे पदाधिकाऱ्यांना भारतीय जनता पार्टी लातूर शहर जिल्हा पक्षातून सहा वर्षाकरिता निलंबित करण्यात येत आहे.
अजय कोकाटे, किशोर कवडे, संदीप सोनवणे, अशोक ताकतोडे, दिलीप बेलूरकर, दिपक कांबळे, महेश झंवर, पृथ्वीसिंह बायस, शिवसिंह सिसोदिया, श्रीकांत रांजणकर, वैभव बनारसे, भरत भोसले, विशाल हावा पाटील, श्रीनिवास लांडगे, गणेश हेड्डा, संगीत रंदाळे, वल्लभ वावरे, विवेक साळुंके यांच्या नावाचा समावेश आहे.रायगडमध्ये जमिनी, अटल सेतूसह रोरो सेवेतूनही येतो पैसा; मकरंद नार्वेकर BMCतील सर्वांत श्रीमंत उमेदवार, किती कोटींची संपत्ती?
भरारी पथकाकडून दोन गुन्हे दाखल
लातूर : लातूर महापालिका निवडणूकीत सर्वच राजकीय पक्ष व अपक्ष उमेदवार यांच्याकडून मोठ्या प्रमाणावर सभा, मिरवणूक, विविध वाहनाद्वारे प्रचार, तसेच होर्डिंग व बनर लावून प्रचार करत आहेत. सदर प्रचार होत असताना आचरसंहिता कक्षाअतर्गत कार्यरत एफएसटी व व्हीएसटी पथकाद्वारे सर्व उमेदवारांच्या प्रचारावर काटेकोरपणे लक्ष ठेवण्यात येत आहे. त्यानुसार राजकीय पक्ष व अपक्ष उमेदवार यांच्याकडून लावण्यात आलेले विविध होर्डिंग व बॅनर परवानगीची पडताळणी करून विनापरवानगी होर्डिंगवर २ गुन्हे भरारी पथकामार्फत करण्यात आलेले आहे. तसेच निवडणूक कालावधीमध्ये पोलीस विभाग व राज्य उत्पादन शुल्क विभागमार्फत २६९ लक्ष इतक्या किंमतीची १४६२.२५ लिटर मद्य जप्त करण्यात आलेली आहे. तसेच पोलिस विभागामार्फत ४०९ व्यक्तीवर प्रतिबंधात्मक कार्यवाही करण्यात आलेली आहे.