मिळालेल्या माहितीनुसार, रविवारी सकाळी कोरेगाववाडी रस्त्यावर एका अनोळखी व्यक्तीचा मृतदेह काही नागरिकांना दिसला. रस्त्यावरील मृतगदेहाची माहिती नागरिकांनी पोलिसांना दिली. त्यानंतर पोलिसांनी तात्काळ घटनास्थळाकडे धाव घेतली. पण मृतदेहचा चेहरा विद्रुप केल्याने मृताची ओळख पटत नव्हती. उपविभागीय पोलीस अधिकारी शेलार आणि पोलीस निरीक्षक सूर्यवंशी यांनी आपलं कौशल्य पणाला लावत मृताची ओळख पटवण्यासाठी अनुभव पणास लावला. शेजारील शेतकरी, नागरिक यांच्याशी संपर्क साधून तब्बल चार तासांनी अखेर मृताची ओळख पटवण्यात पोलिसांना यश आलं.
Haryana News : लग्नाच्या 19 वर्षात 11 मुलांना जन्म दिला, 10 मुलींनंतर आता मुलगा झाला; कुटुंबात आनंद, घटनेची एकच चर्चा
दरम्यान हत्या करणाऱ्यांचा शोध घेण्यासाठी श्वान पथकास पाचरण करण्यात आलं, तर फॉरेन्सिक टीम सुद्धा घटनास्थळी उपस्थित झाली. वरिष्ठ पोलीस अधिकारी मेघना नागराज यांनी घटनास्थळाला भेट दिली.

यानंतर पोलिसांनी तांत्रिक घटनांचं विश्लेषण करून, सीसीटीव्ही फुटेज, मोबाईल रेकॉर्ड अशा सर्व बाबींचा अभ्यास करून आरोपी शिवाजी दत्तू दूधनाळे, वय 32 आणि मृताची पत्नी गौरी शाहूराज सूर्यवंशी, वय 34 यांना पोलिसांनी ताब्यात घेतलं. त्यांची कसून चौकशी केल्यानंतर आरोपीनी गुन्हा कबूल केल्याचं पोलिसांनी सांगितलं.

याबाबत अधिक माहिती देताना पोलिसांनी सांगितलं, की मृताची पत्नी गौरी आणि आरोपी शिवाजी यांचे अनैतिक संबंध होते. यामुळे मृत शाहूराज आणि त्याची गौरी यांच्यात सतत भांडण होत होती. आपल्या संबंधांत अडथळा ठरत असल्याने मृताची पत्नी आणि तिच्या प्रियकराने शाहूराजचा कायमचा काटा काढण्याचं ठरवलं. आरोपी शिवाजी आणि गौरी यांनी संगनमताने रविवारी पहाटे हत्येचा कट रचला.

आरोपी शिवाजी याने मृत शाहूराज याला रविवारी दारू पाजली. त्यानंतर रात्री दोन वाजण्याच्या सुमारास बायपास जवळच्या कोरेगाववाडी येथील रस्त्यावर नेऊन शाहूराजच्या डोळ्यात मिरची पावडर घालून त्याला रस्त्यावर पाडलं. नंतर संधी साधून आरोपी शिवाजीने शाहूराजच्या डोक्यात हंटर आणि दगडाने जबर मारहाण केली. यात शाहूराज सूर्यवंशी याचा जागीच मृत्यू झाला. अशी माहिती पोलीस निरीक्षक प्रल्हाद सूर्यवंशी यांनी दिली.