नेमकं काय घडलं?

अकोट तालुक्यातील मोहोळ या त्यांच्या गावी हिदायत पटेल यांच्यावर राजकीय वैमनस्यातून हा हल्ला झाला होता. हिदायत पटेल व मोहोळ गावातीलच एका पटेल कुटुंबीयांसोबत त्यांचे बऱ्याच वर्षापासून राजकीय भांडण होतं, याच भांडणातून विरुद्ध गटाच्या उबेद पटेल नावाच्या एका तरुणाने हिदायत पटेल यांच्यावर काल चाकू हल्ला केला. काल दुपारी दोन वाजताच्या नमाजानंतर हिदायत पटेल मोहोळा गावातील मरकज मशिदीत नमाज पडून बाहेर येत असताना उबेदनं हिदायत पटेल यांच्यावर चाकू अचानक हल्ला केला.Congress Leader Death: प्राणघातक हल्ल्यात गंभीर जखमी झालेल्या अकोल्यातील काँग्रेस नेत्याचं निधन; उपचारादरम्यान पटेल यांनी घेतला अखेरचा श्वास

हिदायत पटेल यांच्या पोटावर आणि मानेवर चाकूचे प्रचंड घाव लागल्यानं हिदायत पटेल यांना अकोट येथील एका रुग्णालयात दाखल करण्यात आलं होतं. मात्र, त्यांची प्रकृती गंभीर असल्याने त्यांना तात्काळ अकोल्याला हलविण्यात आलं होतं. उपचारादरम्यान आज बुधवारी रोजी पहाटे त्यांचं दुःखद निधन झालं. हिदायत पटेल यांच्या आकस्मिक मृत्यूमुळे काँग्रेसच्या ज्येष्ठ नेत्यांनी आपल्या शोक संवेदना व्यक्त केल्या आहेत.

जुना वाद नेमका काय होता?

24 मे 2019 रोजी मोहोळ या गावामध्ये काही मुलांच्या भांडणावरून एक रक्तरंजित थरार घडला होता. त्यामध्ये भाजपचे कार्यकर्ते मतीन पटेल यांचा मृत्यूझाला होता. या हल्ला प्रकरणात हिदायत पटेल यांच्यासह 10 लोकं आरोपी होते. आता हिदायत पटेल यांच्यावर हल्ला करणारा आरोपी उबेद पटेल 2019 मध्ये हत्या करण्यात आलेल्या मोहोळ गावातील भाजप कार्यकर्ते मतीन पटेल यांचा पुतण्या आहे. 2019 मध्ये लोकसभेचा निकाल लागल्यानंतर हिदायत पटेल यांचं गाव असलेल्या मोहोळ गावात राजकीय वादातून भाजप कार्यकर्ते मतीन पटेल यांची हत्या झाली होती. याच बदलेच्या भावनेतून हिदायत पटेल यांची हत्या करण्यात आली आहे.

Crime News : हाता-पायावर सिगरेटचे चटके, मित्राला कारमध्ये संपवलं, त्याआधी तरुणाच्या आईला फोन…; बेपत्ता तरुणाच्या मृत्यूचं गूढ उकललं

हिदायत पटेल राजकारणातलं मोठं नाव

हिदायत पटेल राजकारणातील मोठं नाव असून 2014 व 2019च्या लोकसभा निवडणुकीमध्ये ते काँग्रेसचे अधिकृत उमेदवार होते. त्यावेळी दुसऱ्या क्रमांकवरचे मत हिदायत पटेल यांना पडले होते. तसेच सहकार क्षेत्रात सुद्धा त्यांचं प्रचंड वर्चस्व होतं. अकोला जिल्हा सहकारी बँकेचे ते संचालक होते, तर अकोट कृषी उत्पन्न बाजार समितीचे पदाधिकारी देखील होते. नेमकं महानगरपालिका निवडणुकीच्या पार्श्वभूमीवर झालेला हा हल्ला सर्वांना चकित करणारा असून स्थानिक गुन्हे शाखेचे प्रमुख शंकर शेळके यांच्या मार्गदर्शनात अकोट पोलिसांनी फरार आरोपीचा शोध घेतल्यावर अकोट तालुक्यातील पणज येथे आरोपीला ताब्यात घेतलं असून, आरोपी अटकेत आहे. हिदायत पटेल यांच्या मृत्यूनंतर हत्येचा गुन्हा दाखल करण्यात आला आहे.