सोमवारी सायंकाळी महाविकास आघाडीच्या प्रचार शुभारंभ प्रसंगी खा.प्रणिती शिंदेंनी नाव न घेता, वंचित नेते सुजात आंबेडकर प्रतिउत्तर दिले आहे. मित्रपक्षांनी भान ठेवून बोलावे, तुमच्या बोलण्याने विरोधक फायदा घेतील. भाजपमध्ये जायचं तर सोडा, माझ्या रक्तात काँग्रेस आहे असं भाषण खा. प्रणिती शिंदेंनी केलं आहे.

वंचित नेते सुजात आंबेडकर म्हणाले होते…

महानगरपालिका निवडणूकीच्या आधी प्रणिती शिंदे भाजपमध्ये प्रवेश करणार होत्या, ऑक्टोबर महिन्यातच त्या प्रवेश करणार होत्या. मात्र,देवेंद्र फडणवीस यांनी त्यांना सांगितलं की,थांबा तीन महत्वाच्या निवडणुका येतायत, नगरपालिका, महानगरपालिका आणि जिल्हा परिषदेच्या निवडणुका येतायत. तुम्ही तोपर्यंत काँग्रेसमध्येच थांबा आणि सेटिंग करून भाजपचे सर्व उमेदवार निवडून आणा.

धाराशिवमध्ये ‘महायुती’त ठिणगी! तानाजी सावंतांचा भाजप आमदारावर जहरी वार; ‘प्रसाद म्हणून ड्रग्जची पुडी देतील’ म्हणत उडवला धुरळा

त्यानंतर प्रणिती ताई काँग्रेसमधून भाजपमध्ये प्रवेश करतील, अशी प्रणितीताई आणि देवेंद्र फडणवीस यांची डील झालेली आहे. यांची भाजपसोबतची नाती खूप आतपर्यंत आहेत. 2 ते 3 महिन्यांपूर्वी सुशीलकुमार शिंदे यांची नात दिया श्रॉफच्या लग्नात शरद पवार, गौतम अडाणी आणि देवेंद्र फडणवीस हे तीन चीफ गेस्ट होते. वंचितचे युवा नेते सुजात आंबेडकर यांच्या वक्तव्याने सोलापुरातील राजकीय वर्तुळात जोरदार चर्चा सुरू आहे.

भान ठेवून बोलावे; प्रणिती शिंदेंचं प्रतिउत्तर

महाविकास आघाडीचा प्रचार शुभारंभ सोमवारी सायंकाळी हेरिटेज गार्डन येथे संपन्न झाला. महाविकास आघाडीतील सर्वच नेते व पदाधिकारी कार्यकर्ते उपस्थित होते. भाषण करताना खा.प्रणिती शिंदेंनी वंचितच्या आंबेडकर यांच्या भाषणाला प्रतिउत्तर दिले, मित्र पक्षांनी भान ठेवून बोलावे, याचा फायदा विरोधक फायदा घेतील.

पु ढे बोलताना खा.प्रणिती शिंदे म्हणाल्या आमची आणि तुमची संविधान वाचवणे ही भूमिका आहे. त्यामुळे माझी विनंती आहे, भान ठेवून बोलावे, दिशाभूल करू नका, याचा फायदा विरोधक घेतील.