साटम नेमकं काय म्हणाले होते?

शनिवारी मुंबई भाजप अध्यक्ष अमित साटम यांनी एक मोठे विधान केले. ते म्हणाले, ‘आम्ही मुंबईचे न्यूयॉर्क होऊ देणार नाही. आम्ही जोहरान ममदानी मुंबईत अस्तित्वात येऊ देणार नाही. उद्धव ठाकरे मुंबईत ममदानी प्रमाणेच नीती वापरत आहेत. पण आम्ही हा डाव यशस्वी होऊ देणार नाही. हीच ती खान मानसिकता पण आम्ही मुंबईचे मॅमडनायझेशन होऊ देणार नाही. आम्ही मुंबईचा रंग बदलू देणार नाही.’ साटम यांच्या या वक्तव्यावर ठाकरेंनी प्रतिक्रिया दिली होती.यानंतर, ताबडतोब भाजपच्यावतीने मुंबई अध्यक्ष्य अमित साटम लाइव्ह आले आणि त्यांनी ठाकरेंवर जोरदार हल्लाबोल केला आहे. त्यांनी यावेळी सांगितलं की, ‘उद्धव ठाकरे मुख्यमंत्री असताना त्यांनी 100 कोटीचाही घोटाळा केला. त्यावेळी या ठिकाणी त्यांचेच गृहमंत्री जे होते त्यांच्यावरती आरोप करण्यात आले होते, की या ठिकाणी प्रत्येक एवढे एवढे 1700 बार आणि रेस्टॉरंट आहेत. त्या 1700 बार आणि रेस्टॉरंट मधून महिन्याला एवढे कोटी रुपये जमा करा आणि 100 कोटी रुपये आम्हाला आणून द्या, अशा 100 कोटीच्या वसुलीचा घोटाळा हा उद्धव ठाकरे महाराष्ट्राचे मुख्यमंत्री असताना त्यावेळेला त्यांनी केला होता, असं साटम म्हणाले आहेत.

कोस्टल रोडवरुन सुनावलं

यावेळी बोलताना साटम पुढे म्हणाले की, ‘सगळीकडे फलक झळकत आहेत की हा कोस्टल रोड आम्ही केला आणि त्यामुळे कोस्टल रोडची सगळी टाईमलाईन ही या ठिकाणी आम्ही दिलेली आहे. कोस्टल रोड मुळामध्ये अडकला होता. कारण कोस्टल रोडला केंद्राच्या परवानग्या 2014 पर्यंत पृथ्वीराज चव्हाण साहेब आणू शकले नव्हते. देवेंद्र फडणवीस साहेब महाराष्ट्राचे मुख्यमंत्री हे केंद्राकडे गेले. सर्व एनओसी, सर्व एन्व्हायरमेंटल परमिशन या मिळवल्या, पंतप्रधान नरेंद्र मोदीजींनी त्यांच्या टॉप प्रोजेक्टमध्ये हा कोस्टल रोडचा प्रोजेक्ट टाकला आणि केंद्रानी सगळ्या परवानग्या दिल्यानंतर या कोस्टल रोडच भूमिपूजन हे त्या ठिकाणी करण्यात आलं. आणि नंतर कोस्टल रोड जो आहे. त्याच उद्घाटन करण्यात आलंय, त्यामुळे कोस्ट कोस्टल रोडच पूर्ण आणि पूर्ण श्रेय जे आहेत.