मुंबई महानगरपालिकेच्या निवडणुकीत पक्षाकडून तिकीट मिळावे यासाठी शीतल देवरुखकर शेठ इच्छुक होत्या. मात्र पक्षाकडून संधी मिळाली नाही. ठाकरे गटाकडून डावलण्यात आल्यामुळे त्या नाराज होत्या. अखेर शीतल देवरुखकर शेठ यांनी पक्षाला जय महाराष्ट्र करण्याचा निर्णय घेतला.

कोण आहेत शीतल देवरुखकर शेठ?

शीतल देवरुखकर शेठ या मुंबई सिनेट सदस्या आहेत. त्या ठाकरे गटाच्या युवासेनेच्या कोअर टीम मधील पदाधिकारी होत्या. माजी मंत्री आदित्य ठाकरे यांच्या त्या निकटवर्तीय मानल्या जात असत. मुंबई महापालिकेतील प्रभाग क्रमांक 51 मधून निवडणूक लढवण्यास शीतल देवरुखकर शेठ इच्छुक होत्या. मात्र पक्षाने तिकीट न दिल्याने त्या खट्टू झाल्या होत्या.
BMC Election : एक बैठक आणि फडणवीसांचा मोठा निर्णय, मुंबईत महायुतीच्या 12 उमेदवारांची माघार, कारण काय?

उद्धव ठाकरेंकडे राजीनामा दिला

२००३ पासून मी पक्षाच्या विविध पदांवर कार्यरत असून गेल्या २२ वर्षांमध्ये पक्षाने सोपवलेली सर्व कामे मोठ्या जबाबदारीने, प्रामाणिकपणे व एकनिष्ठतेने यशस्वीरीत्या पार पडली आहेत. परंतु काही वैयक्तिक कारणांस्तव मी माझ्या प्राथमिक सदस्यत्वाचा व इतर सर्व संघटनात्मक पदांचा राजीनामा मोठ्या जड अंतःकरणाने आपणाकडे याद्वारे सुपूर्द करीत आहे, कृपया त्याचा स्वीकार करावा ही नम्र विनंती ! पक्षात कार्यरत असताना आपण दिलेल्या सर्व संधींबाबत मी सदैव आपली ऋणी राहीन, अशा भावना शीतल देवरुखकर शेठ यांनी राजीनामा पत्रातून व्यक्त केल्या आहेत.
Uddhav Thackeray : ठाकरेंचे एक-दोन नव्हे 82 उमेदवार बाद करण्याची खेळी, भाजपचा मोठा डाव उलटला, कारण ठरलं…
दरम्यान, शीतल आता भारतीय जनता पक्षाचा हात हाती धरणार असल्याची माहिती समोर आली आहे. भाजप प्रदेशाध्यक्ष रवींद्र चव्हाण यांच्या उपस्थितीत त्यांचा पक्षप्रवेश होणार आहे. निवडणूक लढवण्याची संधी हुकली असली, तरी त्यांच्या प्रवेशाने भाजपला कसा फायदा होतो, हे पाहणं महत्त्वाचं आहे.