भाजपचा मजबूत बालेकिल्ला मानल्या जाणाऱ्या बोरिवतील राजकीय घडामोडींना वेग आला आहे. उत्तर मुंबईत येणाऱ्या बोरिवलीत भाजपला पहिला मोठा धक्का बसला आहे. प्रभाग क्रमांक १३ च्या माजी नगरसेविका आसावरी पाटील यांनी कमळ खाली ठेवत मशाल हाती घेतली आहे. मातोश्रीवर जात त्यांनी शिवसेना उबाठाचे पक्षप्रमुख उद्धव ठाकरे यांची भेट घेतली.
राज ठाकरेंचे किल्लेदार, ठाकरे बंधूंचे शिलेदार; तिकीट फिक्स होताच मनसे, उद्धवसेनेत नाराजीचा स्फोट
भाजपच्या माजी नगरसेविका आसावरी पाटील यांच्या पक्षप्रवेशावेळी शिवसेना नेते सचिव खासदार अनिल देसाई, शिवसेना उपनेत्या माजी महापौर किशोरी पेडणेकर, विभागप्रमुख उदेश पाटेकर, विभागसंघटक शुभदा शिंदे तसेच इतर पदाधिकारी आणि शिवसैनिक उपस्थित होते. बोरिवलीत भाजपची ताकद मोठी आहे. मात्र ठाकरेंनी भाजपच्या बालेकिल्ल्याला थेट धडक देत माजी नगरसेविका गळाला लावली आहे.

मुंबई महापालिका निवडणुकीसाठी भाजपनं आज सकाळी आपली पहिली यादी जाहीर केली. या यादीच्या माध्यमातून भाजपनं ६६ उमेदवार जाहीर केले. त्यात प्रभाग क्रमांक १४ मधून सीमा शिंदे यांना उमेदवारी देण्यात आली. त्यामुळे पाटील नाराज झाल्या. त्यांनी थेट मातोश्री गाठली. त्यांचा पक्षप्रवेश संपन्न झाला. त्यानंतर अवघ्या काही मिनिटांत त्यांना उमेदवारी जाहीर झाली. ठाकरेंकडून त्यांना एबी फॉर्म देण्यात आला.
माझी हकालपट्टी करा! शिंदेंच्या होमग्राऊंडवर शिंदेच नाराज; पत्रातील ठसठशीत शब्दांनी लक्ष वेधलं
उत्तर मुंबईत भाजपची ताकद मोठी आहे. बोरिवलीचा समावेश उत्तर मुंबईत होतो. आसावरी पाटील २०१७ मध्ये निवडून आलेल्या प्रभागात अमराठी मतदारांचं प्रमाण लक्षणीय आहे. केंद्रीय गृहमंत्री पियूष गोयल उत्तर मुंबईचे खासदार आहेत. ते मुंबईतील भाजपचे एकमेव खासदार आहेत.