मृत तरुणाचे वडील अरुण धनाईत (वय ५४) यांच्या फिर्यादीनुसार, संशयित अमोल जीवनलाल समदडिया व तुषार समदडिया या दोन्ही भावांविरुद्ध गुन्हा नोंद आहे. अरुण यांचा मुलगा प्रवीण धनाईत (वय २९, रा. चांदशी शिवार) याने नदीत उडी घेऊन आत्महत्या केल्याचे मंगळवारी उघड झाले. प्रवीण हा पाच वर्षांपासून राका कॉलनी परिसरातील एका मोबाइल दुकानात लेखापाल होता.

Nashik Crime: क्रूरतेची हद्द! त्र्यंबकमध्ये सापडली अनोळखी महिलेची बॉडी, अंगावर अक्षरश:.., घटनेनं खळबळ
जुलै २०२५ मध्ये संशयितांसोबत त्याचे वाद झाले. तेव्हापासून त्याने काम बंद केले होते. त्यानंतर दहा दिवसांनी संशयितांनी प्रवीणसह नऊ जणांविरुद्ध वणी पोलिसांत अपहाराचा गुन्हा नोंदवला. त्याबाबत प्रवीणला कल्पना नव्हती. दरम्यान, ‘खोटी तक्रार करून मला गोवण्यात आले आहे’, असा दावा प्रवीणने त्याच्या वडिलांकडे केला होता. गुन्ह्यात जामिनावर असताना प्रवीणची मानसिकस्थिती व्यवस्थित नव्हती. १० डिसेंबरपासून तो अबोल झाला होता. संशयितांनी प्रवीणला दुकानात बोलावून घेत बाउन्सर्सकडून मारहाण केली होती, त्यात दात तुटला होता, असे फिर्यादीत नमूद आहे.

Nagpur Crime : प्रॉपर्टीचा वाद विकोपाला, काकाकडून पुतण्यावर गोळीबार; कुटुंबातील अंतर्गत भांडणातून भयंकर घटना
पुलावर काय झाले आहे?
२२ डिसेंबरला रात्री दहाला प्रवीणने वडिलांना फोन करून घरी येत असल्याचे कळवले. मात्र, २३ डिसेंबरच्या पहाटेपर्यंत तो घरी न आल्याने गंगापूर पोलिसांत बेपत्ताची नोंद केली. २३ डिसेंबरला सकाळी प्रवीणच्या बहिणीने ‘चांदशीच्या पुलावर काय झाले आहे, गर्दी आहे’, असे विचारले. त्यावेळी पाहण्यासाठी गेलेल्या अरुण यांना प्रवीणचा मृतदेह दिसला.