काय आहे प्रकरण?

मिळालेल्या माहितीनुसार, संबंधित विद्यार्थिनी आपल्या शिक्षिकेच्या मोबाईलवर सतत ‘आय लव्ह यू’ असे संदेश पाठवत होती. “तुम्ही दुसऱ्या कोणाशीही बोललेले मला खपत नाही,” अशा शब्दांत तिने शिक्षिकेवर मानसिक दबाव निर्माण केला होता. शिक्षिकेने तिला अभ्यासावर लक्ष देण्यास सांगून वारंवार समजावले, परंतु तिचे वर्तन अधिकच हिंसक होत गेले. तिने रागाच्या भरात ब्लेडने स्वतःच्या हातावर शिक्षिकेचे नाव कोरले आणि जर शिक्षिकेने तिच्या प्रेमाचा स्वीकार केला नाही, तर शाळेच्या सातव्या मजल्यावरून उडी मारून जीवन संपवण्याची धमकी दिली.
नमो भारत ट्रेनच्या Viral Video तील तरुणी डिप्रेशनमध्ये, शेजारी म्हणाले दोघांचं लग्न लावा, पालकांचा मोठा निर्णय
या विद्यार्थिनीच्या वर्तणुकीचा त्रास केवळ शिक्षिकेलाच नाही, तर तिच्या वर्गमैत्रिणींनाही सहन करावा लागत होता. तिने वर्गातील काही मुलींना प्रेमाचे संदेश पाठवून त्यांच्या बोटात अंगठी घालण्याचा प्रयत्न केला. इतकेच नव्हे तर, एका विद्यार्थिनीला वॉशरूममध्ये गाठून तिच्या वैयक्तिक आयुष्याबद्दल विचारणा करत तिला घाबरवून सोडले. वर्गात लक्ष न देता शिक्षिकेला एकटक पाहत राहणे आणि तासन् तास कॉरिडॉरमध्ये फिरणे, अशा तिच्या वागण्यामुळे तक्रारींचे सत्र वाढले होते.

पुण्यातील या प्रकरणाचे गांभीर्य ओळखून शाळा प्रशासनाने तातडीने दामिनी मार्शलच्या पथकाला पाचारण केले. पोलिसांनी कोणतीही कायदेशीर कठोर कारवाई न करता अत्यंत संवेदनशीलतेने या मुलीला हाताळले. तज्ज्ञांच्या मदतीने तिचे मानसशास्त्रीय समुपदेशन करण्यात आले.
Nisha Shinde : माझी निशा मला हाक मारेल… लेकीच्या अंत्यसंस्कारानंतर बाप दोन दिवस स्मशानाबाहेर बसून, मुंबई गलबलली, मी तिला…
पौगंडावस्थेतील मुलांच्या मनात निर्माण होणारे आकर्षण आणि भावनिक गोंधळ यातून हा प्रकार घडल्याचे समोर आले आहे. योग्य वेळी तिला विश्वासात घेऊन समजावल्यामुळे पुढील मोठा अनर्थ टळला असून, पालकांनीही आपल्या मुलांच्या बदलत्या वागणुकीकडे लक्ष देण्याचे आवाहन करण्यात आले आहे.