निवडणूक म्हटलं की चुरस, उत्सुकता आणि रंजकपणा हा आलाच. छत्रपती संभाजीनगरच्या 1988 सालच्या निवडणुकीत 49 क्रमांकाच्या वॉर्डच्या नागरिकांनी हा रंजकपणा अतिशय जवळून अनुभवला होता.
विजयाचा गुलाल उडाला, पण ट्विस्ट अजून बाकी होता!
वॉर्ड क्रमांक ४९ च्या मतमोजणीत शेवटच्या क्षणी भारिपचे उमेदवार प्रा. डी. एल. हिवराळे हे २ मतांनी विजयी झाले. प्रतिस्पर्धी गोटात जल्लोष सुरू झाला, पण शिवसेनेचे उमेदवार प्रदीप सचिंद्रकुमार दत्त यांना आपल्या कामावर आणि मतदारांवर ठाम विश्वास होता. त्यांनी हार मानण्याऐवजी प्रशासनाकडे ‘रि-काउंटिंग’चा हट्ट धरला. प्रशासनाने पुन्हा एकदा एक-एक मत मोजायला सुरुवात केली आणि वॉर्डाचा श्वास रोखला गेला. रि-काउंटिंगमध्ये नशिबाने अशी काही पलटी मारली की, २ मतांनी पराभूत होणारे प्रदीप दत्त थेट ९ मतांनी विजयी झाले!
लोकांनी ‘स्पॉन्सर’ केलेली निवडणूक: बजेट फक्त १५००!
आजच्या कोटींच्या निवडणुकीच्या काळात प्रदीप दत्त यांची गोष्ट एखाद्या सिनेमासारखी वाटते. त्यांनी ही निवडणूक केवळ १,५०० रुपयांत लढवली होती. आश्चर्याची गोष्ट म्हणजे हा खर्चही त्यांनी प्रचारावर नाही, तर कार्यकर्त्यांना धाब्यावर जेवण देण्यासाठी केला होता. त्यांचा प्रचार मित्रांनी वर्गणी काढून केला, तर मतदारांनी स्वतः भिंती रंगवून त्यांचा विजय निश्चित केला होता.
Pune Politics : प्रशांत जगताप यांचा राजकीय बॉम्ब, शरद पवारांच्या पक्षाला रामराम, पण निवडणूक लढणार असल्याची घोषणा
झोपडपट्टीवासीयांचा ‘रॉबिनहूड’
प्रदीप दत्त यांना मिळालेला हा कौल त्यांच्या कामाची पावती होती. जेव्हा पालिकेचे बुलडोझर गरिबांच्या २० बाय ३० च्या घरांवर फिरायचे, तेव्हा दत्त स्वतः बुलडोझरसमोर छाती ताणून उभे राहायचे. गरिबांची घरं वाचवण्यासाठी अंगावर गुन्हे ओढवून घेणारा हा नेता लोकांच्या गळ्यातील ताईत बनला होता.Eknath Shinde : ‘बाहेर गेलेल्या मुंबईकरांना पुन्हा मुंबईत आणणार’, ठाकरे बंधूंच्या युतीच्या घोषणेनंतर शिंदेंची मोठी घोषणा
“आता गुत्तेदार आणि गुन्हेगार निवडणूक लढवतात…”
आज ७१ व्या वर्षी प्रदीप दत्त यांना आजच्या राजकारणाची स्थिती पाहून दुःख होतं. ते म्हणतात, “आधी खऱ्या अर्थाने नेते निवडणूक लढवायचे, आता पैशांचे गुत्तेदार आणि गुन्हेगार मैदानात उतरतात. या महागड्या राजकारणापेक्षा दूर राहिलेलंच बरं!”
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा