युतीच्या चर्चेसाठी राष्ट्रवादी काँग्रेसच्या नेत्यांनी भाजप नेते आणि मंत्री गिरीश महाजन यांच्याकडे अक्षरश: आर्जवं केल्याचं पाहायला मिळालं. नाशिक महापालिका निवडणुकीच्या पार्श्वभूमीवर मंत्री गिरीश महाजन यांच्या उपस्थितीत हॉटेल रॅडिसन ब्ल्यू येथे पक्षाच्या प्रमुख पदाधिकाऱ्यांची बैठक झाली. यावेळी भाजप आमदार देवयानी फरांदे, सीमा हिरे, राहुल ढिकले यांच्यासह पक्षाचे प्रमुख पदाधिकारी हजर होते. महापालिका निवडणुकीतील उमेदवारीच्या संदर्भात यावेळी चर्चा करण्यात आली.
Kolhapur Election Result: नाद करायचा नाय, मतदार जागा हाय! आमदाराच्या अख्खा कुटुंबाला घरी पाठवलं, घराणेशाहीला साफ नाकारलं
एकीकडे भाजपची बैठक सुरु असताना जिल्ह्यातील राष्ट्रवादी काँग्रेसचे नेते हॉटेल रॅडिसन ब्ल्यू येथे महाजन यांच्याशी चर्चा करण्यासाठी पोहोचले. मंत्री नरहरी झिरवळ , आमदार हिरामण खोसकर , माजी खासदार समीर भुजबळ हे महाजन यांच्या भेटीसाठी थांबले. चर्चेसाठी पाच मिनिटं तरी वेळ द्या, अशी विनवणी मंत्री नरहरी झिरवळ आणि आमदार हिरामण खोसकर यांच्याकडून महाजन यांना करण्यात आली. दोन्ही नेते महाजन यांच्या कारच्या खिडकीतून त्यांच्याशी संवाद साधत होते. आर्जवं, विनंत्या करत होते. पण महाजन कोणतीही चर्चा न करता मुंबईला निघून गेले. त्यामुळे अजित पवारांच्या पक्षाची हतबलता दिसून आली.
Solapur Election Result: पवारांचा खासदार एकटा नडला, भाजपला भारी पडला; अख्ख्या जिल्ह्यात फडणवीसांच्या शिलेदाराला धक्का
नाशिक महापालिकेत ठाकरे बंधूंची युती होणार आहे. ठाकरेंची शिवसेना आणि राज ठाकरेंची मनसे एकत्र लढणार आहे. या युतीची घोषणा लवकरच होईल. या संदर्भात घडामोडींना वेग आला आहे. नाशिकच्या मनसे कार्यालयात मनसे आणि शिवसेना उबाठाच्या पदाधिकाऱ्यांची आज बैठक झाली. या बैठकीत जागा वाटपाची चर्चा झाली. या बैठकीला ठाकरेंच्या शिवसेनेचे जिल्हाप्रमुख डी. जी. सूर्यवंशी आणि मनसेचे नेते दिनकर पाटील उपस्थित होते.