याआधी, अनगर नगराध्यक्षपदाच्या निवडणुकीवेळी उपमुख्यमंत्री अजित पवार यांना थेट आव्हान देणारे राजन पाटील यांचे सुपुत्र बाळराजे पाटील चर्चेत आले होते. मात्र चहूबाजूंनी टीका झाल्यानंतर राजन पाटलांनी अजित दादांची माफी मागितली होती.

एकनाथ शिंदेंचं वर्चस्व

मोहोळमध्ये झालेल्या निवडणुकीत मोहोळ नगरपरिषदेच्या 20 पैकी 9 जागा एकनाथ शिंदे यांच्या शिवसेनेने जिंकत मुसंडी मारली आहे. मोहोळ तालुक्यात शिंदे गटाचे वर्चस्व स्पष्ट झाले आहे. या निकालामुळे भाजपच्या गोटात अस्वस्थता निर्माण झाली आहे.

एकनाथ शिंदेंनी जाहीर सभा घेत इशारा दिला होता

निवडणुकीपूर्वी प्रचार सुरू असताना उपमुख्यमंत्री एकनाथ शिंदे यांनी मोहोळमध्ये जाहीर सभा घेतली होती. या सभेत एकनाथ शिंदेंनी भाजपचे माजी आमदार राजन पाटील यांना थेट इशारा देत “मोहोळ तालुक्यात दादागिरी खपवून घेतली जाणार नाही” असे ठणकावून सांगितले होते. त्यांच्या या इशाऱ्यानंतर राजकीय वातावरण चांगलेच तापले होते.
Sandesh Parkar : राणे बंधूंच्या लढतीत कोणाची बाजी? कोकणातील बहुचर्चित सामन्याचा निकाल लागला, अवघ्या 145 मतांनी…

भाजपला धक्का

निवडणूक निकालानंतर शिंदे गटाच्या कार्यकर्त्यांनी जल्लोष केला असून, हा विजय आगामी राजकीय समीकरणांच्या दृष्टीने अत्यंत महत्त्वाचा मानला जात आहे. मोहोळ तालुक्यात शिवसेना शिंदे गटाने भाजपला दिलेला हा धक्का सोलापूर जिल्ह्याच्या राजकारणात नवी दिशा देणारा ठरण्याची शक्यता आहे.
Parbhani Nagarpalika Result : धनंजय मुंडेंच्या बहिणीची आघाडी, रत्नाकर गुट्टेंना मोठा धक्का; तर मेघना बोर्डिकरांना मतदारसंघातच झटका
दुसरीकडे, सोलापुरातील अक्कलकोट नगरपरिषदेवर नगराध्यक्षपदाच्या निवडणुकीत भाजपचे मिलन कल्याणशेट्टी तिसऱ्या फेरी अखेर 7 हजार 672 मतांनी आघाडीवर आहेत. तर बार्शी नगरपरिषदेत नगराध्यक्ष पदाच्या भाजप उमेदवार तेजस्विनी कथले 5500 मतांनी आघाडीवर आहेत.