ठाकरेंच्या आमदारकीचे जेमतेम 5 महिने, विधान परिषदेत मविआचं संख्याबळ 7 ने घटणार, मोठा फटका बसण्याचे संकेत

काँग्रेसला रामराम ठोकत प्रज्ञा सातव यांनी भारतीय जनता पक्षात प्रवेश केल्यानंतर, विधान परिषदेतील काँग्रेस आणि विशेषत: महाविकास आघाडीचे संख्याबळ कमी झाले आहे. यामुळे विधान परिषदेतील विरोधी पक्षनेते पदाबाबत काय निर्णय घेतला जातो, याबाबत तर्कवितर्क वर्तविले जात आहेत. मात्र नववर्षात परिषदेतील महाविकास आघाडीचे संख्याबळ आणखी कमी होणार असल्याने, ज्येष्ठांच्या सभागृहातही आघाडीला सरकारविरोधात आवाज उठवणे कठीण होणार आहे.