विहिरीच्या पाण्यावरून पेटला वणवा

मिळालेल्या माहितीनुसार, येवता येथील मल्हारी लक्ष्मण सक्राते आणि त्यांचा सख्खा भाऊ अशोक लक्ष्मण सक्राते यांच्यात विहिरीच्या पाण्यावरून जुना वाद होता. काल सायंकाळी साडेसहाच्या सुमारास हा वाद विकोपाला गेला. मल्हारी शेतात असताना अशोक आणि त्याच्या मुलांनी तिथे येऊन “विहीर आमची आहे, मोटार चालू करू नकोस,” असे म्हणत वाद उकरून काढला. मल्हारी यांनी “पाळीने पाणी घेऊ” असे सुचवले, मात्र रागाच्या भरात असलेल्या अशोकने थेट कुऱ्हाडीने मल्हारी यांच्या डोक्यात वार केला.Thane News: सातजन्माची सोबत अर्ध्यावरच सुटली! डोंबिवलीच्या तरुण दाम्पत्याचा अपघातात करुण अंत; हायवेवर एका चुकीने…

दुसऱ्या बाजूचा आरोप

दुसरीकडे कत्ती आणि दगडाने मारहाण केली असे अशोकचा मुलगा प्रणव याने चुलत्यावर गंभीर आरोप केले आहेत. प्रणवच्या दाव्यानुसार, तो विहिरीवर मोटार सुरू करण्यासाठी गेला असता, चुलते मल्हारी, दीपक, प्रवीण आणि शारदा सक्राते यांनी त्याला अडवले. यावेळी झालेल्या झटापटीत मल्हारी सक्राते यांनी धारदार कत्तीने प्रणवच्या हातावर वार केला, तर इतरांनी दगडाने बेदम मारहाण केली.

पोलीस कारवाई आणि परिसरात खळबळ या घटनेत दोन्ही गटातील लोक जखमी झाले असून त्यांच्यावर केज येथील उपजिल्हा रुग्णालयात उपचार सुरू आहेत. मल्हारी सक्राते यांच्या फिर्यादीवरून अशोक सक्राते, प्रणव, समाधान आणि शिवकन्या यांच्यावर गुन्हा दाखल झाला आहे. तर प्रणवच्या फिर्यादीवरून मल्हारी, दीपक, प्रवीण आणि शारदा यांच्यावर गुन्हा नोंदवण्यात आला आहे.

पाण्यासाठी सख्ख्या भावांनी एकमेकांविरुद्ध शस्त्रे उपसल्याने परिसरात संताप आणि चर्चेचा विषय बनला आहे. केज पोलीस या प्रकरणाचा अधिक तपास करत असून गावात तणावपूर्ण शांतता आहे.