वाकड पोलिसांनी केलेल्या या कारवाईमुळे गुन्हेगारांना चांगलीच अद्दल घडली आहे. या घटनेनंतर वाकड पोलीस ठाण्यात गुन्हा दाखल करण्यात आला होता. पोलिसांनी तपासाची चक्रे वेगाने फिरवली आणि अवघ्या काही तासांतच आरोपींना अटक केली. हे गुन्हेगार “आम्ही इथले भाई आहोत, आम्हाला कोणी काही विचारू शकत नाही,” अशी दादागिरी करत होते. मात्र, पोलिसांनी त्यांची ही दादागिरी चांगलीच जिरवली.

Mumbai–Pune Expressway Accident: एक्सप्रेस वेवर मृत्यूचा थरार! ट्रकचा ब्रेक निकामी, ट्रकचालकाचा जागीच अंत

आता या गुन्हेगारी वृत्तीच्या तरुणांचा एक व्हिडिओ समोर आला आहे. या व्हिडिओमध्ये ते नागरिकांची आणि पोलिसांची हात जोडून माफी मागत आहेत. “आम्ही जे केलं ते कोणीही करू नये, वाकड पोलिसांनी आमच्यावर कठोर कारवाई केली आहे,” असे आवाहन ते करत आहेत. यातून त्यांची चूक त्यांना कळाली असल्याचे दिसून येते. या गुन्हेगारांचा हा व्हिडिओ सध्या सोशल मीडियावर प्रचंड व्हायरल होतो आहे.

पिंपरी-चिंचवड शहरात वाहन तोडफोडीचे प्रमाण जरी कमी झाले असले, तरी काही भागांमध्ये अजूनही भाईगिरी आणि गुंडगिरीचे प्रकार सुरू आहेत. अशा प्रवृत्तीच्या तरुणांना वाकड पोलिसांनी चांगलाच दणका दिला आहे. यापुढे असे कृत्य होणार नाही, असा विश्वास पोलिसांनी व्यक्त केला आहे.

सीसीटीव्ही कॅमेऱ्यात कैद झालेल्या फुटेजमुळे पोलिसांना आरोपींना पकडणे सोपे झाले. या घटनेमुळे नागरिकांमध्ये पोलिसांप्रति विश्वास वाढला आहे.